Вязень збег з турмы з дапамогай лыжкі і трымальніка для туалетнай паперы
«Я проста хацеў убачыць сваю маленькую дачку, я так сумаваў па ёй». Але ўсё скончылася сумна.
У Германіі зняволены выбраўся на волю з дапамогай лыжкі і трымальніка для туалетнай паперы — зараз да яго тэрміну дадасца сем месяцаў турмы, піша Bild.
Хусен Р. прысуджаны да сямі месяцаў турэмнага зняволення ў сувязі з псаваннем маёмасці і разбурэннем будынка. У снежні 2023 года ён, выкарыстоўваючы лыжку і зламаны трымальнік для туалетнай паперы, за чатыры месяцы прарабіў дзірку памерам 30х30 сантыметраў у сцяне турмы. Затым злачынец спусціўся з дапамогай прасцін і збег.
«Я проста хацеў убачыць сваю маленькую дачку, я так сумаваў па ёй», — сказаў Хусэн Р. падчас суда. Уцёкі завяршыліся на наступны дзень у Траўнштайне (Баварыя).
Ён не паспеў пабачыцца з дачкой: «Мяне арыштавалі проста перад дзвярыма».
Хусен Р. знаходзіўся пад вартай за тое, што з саўдзельнікамі апаганіў 32 магілы на чатырох могілках у раёне Траўнштайна, у тым ліку ён выкраў магільныя крыжы з латуні і медзі і здаў іх на металалом.
Цяпер чытаюць
Разведка ЗША: Беларусь стала перадавым вайсковым плацдармам Расіі20
Каментары