Чаму тэрарыстам далі ўцячы да бранскіх лясоў? Вось што прыдумалі ў апраўданне сілавікоў
Выданне РБК у сваім матэрыяле пра тэракт у «Крокусе» ўзяла каментар у неназванай крыніцы наконт таго, чаму тэрарыстаў не маглі затрымаць столькі гадзін, хаця яны ехалі па федэральнай трасе, не мяняючы ні машыну (вельмі заўважную), ні нумароў.
«Яны загадзя вывучылі схему перамяшчэння і прадумалі шляхі адыходу», — кажа крыніца РБК.
З яе слоў, тэрарысты пакінулі будынак «Крокуса», змяшаўшыся з натоўпам наведвальнікаў, якія выбягаюць з канцэртнай залы. З месца злачынства яны з'ехалі на тым жа аўтамабілі, на якім і прыехалі.
Па словах крыніцы, яны паехалі да трасы М3 і па ёй накіраваліся ў бок Бранскай вобласці.
Суразмоўца дадаў, што ўвесь гэты час іх адсочвалі спецслужбы — важна было зразумець маршрут руху тэрарыстаў і выявіць арганізатараў тэракту.
Нагадаем, па версіі Уладзіміра Пуціна, выканаўцаў тэракту чакала «акно» на ўкраінскай мяжы. Хто адкрыў гэта «акно» з расійскага боку, не паведамлялася.
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары