Здарэнні33

Беларускі ілюзіяніст заяўляў, што ўмее чытаць думкі. У Казахстане яго падманулі на $110 тысяч

Раскусіць ашуканцаў не змог.

Фота: сацсеткі

Васіль Вярэніч называе сябе ілюзіяністам, менталістам і мікрамагам. Ён заяўляе, што магія — гэта яго прафесія. Для рэалізацыі чарговага магічнага праекту Васіль адправіўся ў Казахстан, дзе асаблівыя здольнасці не дапамаглі яму вылічыць ашуканцаў. 

Вярэніч паехаў у Алматы ў 2013 годзе, там ён хацеў запусціць бізнэс-праект і купіць нерухомасць. Для гастроляў ён замовіў рэквізіт у майстра, які працаваў неафіцыйна ў падвале аднаго з дамоў. Гэта не выклікала падазрэнняў: Вярэніч аддаў майстру больш за 40 тысяч долараў. Рэквізіту не пабачыў, а пачуў толькі пагрозы ў свой адрас. Паліцыя беларусу, як ён сцвярджае, не дапамагла, паведамляе gomel.media. 

Праз тры гады Вярэніч пазнаёміўся з кампаніяй, у якой былі і супрацоўнікі праваахоўных органаў. Адзін з удзельнікаў гэтай кампаніі папрасіў у беларуса пазыку 5 тысяч долараў. Грошы ён неўзабаве вярнуў, але гэта, як аказалася, была праверка. 

Праз некаторы час гэты ж чалавек папрасіў пазычыць куды большую суму. Вярэніч грошы перадаў — і больш іх не бачыў. У 2020 годзе Васіль звярнуўся ў паліцыю. Але следчым, з ягоных слоў, прызначылі сябра падазраванага. Справу ў выніку закрылі і нават згубілі, звароты ў іншыя інстанцыі ні да чаго не прывялі. Вярэніч страціў яшчэ 59 тысяч долараў.

Але і гэта не ўсё: неўзабаве ён зноў замовіў рэквізіт — і яго зноў падманулі. Гэтым разам на 11 тысяч долараў. Падмануў беларуса нават юрыст — ён па даверанасці адмяніў усе юрыдычныя дзеянні Вярэніча. Мужчына мяркуе, што юрыст быў у змове з ашуканцамі. 

Страціўшы за 11 гадоў 110 тысяч долараў, Вярэніч звярнуўся ў амбасаду Беларусі ў Казахстане, у СМІ, а таксама запісаў відэазварот, каб надаць сітуацыі агалоску. Паліцыя Алматы пачала праверку па факце махлярства.

Каментары3

  • Лол
    19.04.2024
    Калі ты мікрамаг па жыцці, то гэта не вылечна.
  • Маг
    19.04.2024
    Гэта былі не махляры а магі большага ўзроўню
  • Iгарка
    21.04.2024
    На дурака не нужен нож...(Приключения Буратино)

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць