У Мастах дэмантуюць самы вялікі падвесны мост Беларусі — яго даўжыня амаль 200 метраў
Пабудаваць новы мост збіраюцца да абласных Дажынак.
У Мастах пачынаюць абнаўляць самы доўгі падвесны мост Беларусі — 192,8 метра, піша мясцовая «Зара». У цяперашнім выглядзе ён існуе з 1995 года і быў пабудаваны на базе старога маста.
Папярэдні план працаў такі: адваяваць у Нёмана частку рэчышча ракі пад мостам, зрабіць падсыпку грунтам і там размясціць тэхніку.
Пасля гэтага мост будзе дэмантаваны і пабудаваны наноў.
Будаўнікі кажуць, што новы мост будзе вельмі падобны да цяперашняга. Узвесці яго плануюць да абласных Дажынак у Мастах.
Каментары