Грамадства6464

Кныровіч: «Бабарыка – ідэаліст. Гэта не памылка, а хрысціянская ахвярнасць»

Бізнесовец Аляксандр Кныровіч у новым выпуску ТОКу выказаў свой погляд на Віктара Бабарыку.

Віктар Бабарыка. Фота з яго старонкі ў Фэйсбуку

Падчас гутаркі Кныровіча папрасілі назваць тры памылкі Віктара Бабарыкі. На гэта бізнесовец задумаўся: «А ці былі памылкі?» І патлумачыў:

«Чалавек верыў у тое, што ў рамках сістэмы магчымы перамены, законныя перамены».

Кныровіч адзначыў, што цалкам упэўнены, што ўдзел Бабарыкі ў выбарах — не «расійскі праект», а «яго асабістае жаданне і асабісты выбар на гэтым этапе жыцця зрабіць вельмі важную для краіны справу. Ён верыў і шчыра гаварыў, што яго саджаць няма за што, і ён шчыра хоча паўдзельнічаць у выбарах».

Аляксандр Кнырович Alexander Knyrovich Александр Кнырович
Аляксандр Кныровіч. Скрын відэа: TOK_talk / YouTube

Бізнэсмен заўважае, што прадстаўнікі старой апазіцыі, якія даўно ўдзельнічалі ў выбарах, даведаўшыся аб намеры Бабарыкі балатавацца на прэзідэнцкіх выбарах, «пакруцілі каля скроні: «Куды ты лезеш? Цябе растопчуць». Але ён быў і ёсць ідэалістам. Ён уяўляў сабе магчымасць гэтых перамен і захацеў паспрабаваць».

Кныровіч падкрэслівае, што не можа назваць рашэнне Бабарыкі памылкай, і дадае:

«Для мяне сёння Бабарыка гэта хрысціянская ахвярнасць. Гэта ахвяра ў імя будучыні Беларусі. Ён паспрабаваў зрабіць па законе. Па законе ён бы перамог.

І тое, што яму не далі гэта зрабіць, прывяло ў тым ліку да пратэстаў 2020 года і разуменню беларускім грамадствам, у якім больш як 50 працэнтаў прагаласавала за перамены, што немагчымы ніякі бясплатны і бясшоўны пераход ад сённяшняй Беларусі да нармальнай еўрапейскай краіны».

Каб не было Бабарыкі, мы б да гэтай пары памыляліся, і шмат чаго было «калі б». Таму ён здзейсніў цалкам хрысціянскую ахвяру. Пайшоў на гэтую галгофу і працягвае за нас усіх несці свой крыж. Таму я не магу назваць ніводнай памылкі, бо не лічу, што ён памыліўся».

@tokbelarus Чем отличается производство хлеба от производства танка? #экономика #политика #объяснение #бизнесмен #белаз #камаз #беларусь ♬ snowfall (Sped Up) - Øneheart & reidenshi

Глядзіце цалкам:

Каментары64

  • Газпром ,- кашалёк Крамля
    19.05.2024
    Бабарыка верыў і шчыра гаварыў, што яго саджаць няма за што./
    То бок у 2010м годзе, калі ўсіх кандыдатаў пасадзілі, іх "было за што", па меркаванні Бабарыкі?
  • Пытанне
    19.05.2024
    Бабарыка паспрабаваў зрабіць па законе. Па законе ён бы перамог./

    То бок усе папярэднія кандыдаты ў прэзідэнты (Аляксандр Мілінкевіч, Аляксандр Казулін, Яраслаў Раманчук, Рыгор Кастусёў, Уладзімір Някляеў, Віталь Рымашэўскі, Алесь Міхалевіч, Мікалай Статкевіч) не спрабавалі па законе рабіць? Адзін толькі Бабарыка спрабаваў па законе рабіць?
  • Пытанне
    19.05.2024
    Адкуль у Кныровіча такая ўпэўненасць, што перамог бы Бабарыка? А не Сяргей Ціханоўскі, напрыклад? Які па ўсіх гарадах збіраў натоўпы людзей.

Цяпер чытаюць

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?16

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Усе навіны →
Усе навіны

Халезін: Можа адбыцца момант, калі Лукашэнка папросіць увайсці ў Беларусь полк Каліноўскага17

У Беларусі ФСБ затрымала сына «вагнераўца», якога абвінавачваюць у супрацоўніцтве з легіёнам «Свабода Расіі»2

Беларуска з польскім пашпартам выйграла чэмпіянат Польшчы па стральбе з лука

Зяленскі заклікаў саюзнікаў даць Украіне гарантыі як у Ізраіля

У Беларусі з'явіліся паслугі целаахоўнікаў. Колькі каштуе гадзіна?2

«Праз 9 месяцаў узніклі пытанні». Паход у абменнік для 80-гадовага мужчыны скончыўся вялікімі непрыемнасцямі1

Міністр абароны Літвы: У НАТА ёсць 3-4 гады, каб падрыхтавацца да вялікай вайны ў Еўропе11

«Нам не патрэбныя пасярэднікі, нам патрэбныя саюзнікі». Украінскі дыпламат рэзка выказаўся аб выніках Мюнхенскай канферэнцыі3

Пазняк пра 1990-я: «Ніхто не зрабіў большай шкоды для нацыянальных інтарэсаў Беларусі, чым гэта істота». Пра каго ён?111

больш чытаных навін
больш лайканых навін

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?16

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Галоўнае
Усе навіны →

Заўвага:

 

 

 

 

Закрыць Паведаміць