Іх грамадзянства пакуль не называецца.
Забітыя меркаваныя кілеры палкоўніка СБУ Івана Вароніча — мужчына і жанчына — аказаліся замежнікамі, паведаміла Нацыянальная паліцыя Украіны.
«Дзякуючы сумеснай рабоце аператыўнікаў міліцыі Кіева і СБУ, следчых, аналітыкаў крымінальнага аналізу, былі вызначаны асобы, датычныя да здзяйснення злачынства — імі аказаліся мужчына і жанчына, грамадзяне іншай краіны», — гаворыцца ў паведамленні Нацпаліцыі.
Іншых падрабязнасцяў пра іх асоб не прыводзіцца.
Сёння СБУ паведаміла, што забіла кілераў, якія застрэлілі палкоўніка Службы бяспекі ў Кіеве. Кіраўнік СБУ Васіль Малюк запісаў відэа пра гэта на фоне целаў, як ён кажа, агентаў ФСБ.
50-гадовага палкоўніка СБУ невядомы расстраляў у цэнтры Кіева з пісталета з глушыцелем 10 ліпеня. У раёне 9:00 невядомы падбег да 50-гадовага Івана Вароніча на вуліцы і пяць разоў стрэліў з пісталета з глушыцелем. Пасля чаго ўцёк. Палкоўнік атрымаў цяжкія раненні і памёр на месцы.
Выданне The New York Times, спасылаючыся на былога калегу загінулага піша, што Іван Вароніч пасля ўступлення ў СБУ ў сярэдзіне 1990-х гадоў камандаваў падраздзяленнем спецыяльных аперацый. Ён кіраваў групай, якая ліквідавала «Матаролу».
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі18
Каментары