Расійскі ЦВК прыбраў з лагатыпа выбараў клічнік. Пры чым тут Навальны? 1

Графіка: «Медыязона»

Расійскі Цэнтрвыбаркам абнавіў лагатып адзінага дня галасавання, які пройдзе 8 верасня 2024 года.

У параўнанні з першым варыянтам, прадстаўленым на мінулым тыдні, з лога знік чырвоны клічнік. Многія тады заўважылі, што гэты знак па стылі нагадвае сімвал акцыі «Разумнае галасаванне», якую праводзіў Аляксей Навальны.

Фота: каманда Навальнага

Пасля публікацыі першага лагатыпа маскоўскі дэпутат ад КПРФ Павел Іваноў звярнуўся ў ФСБ з патрабаваннем праверыць афіцыйны лагатып выбараў на экстрэмізм. Кіраўнік ЦВК Эла Памфілава назвала скаргі на сімволіку «паранаідальнымі выдумкамі рознага роду правакатараў і лайдакоў». Тым не менш, лагатып падкарэктавалі.

Пасля змены лагатыпа Памфілава заявіла, што ён быў перапрацаваны «з улікам пажаданняў і рэкамендацый з рэгіёнаў».

Чытайце таксама:

WSJ: Пуцін, імаверна, не аддаваў прамы загад аб забойстве Аляксея Навальнага — пазіцыя амерыканскіх спецслужбаў

Каманда Навальнага пахвалілася, што паспрыяла арышту намесніка Шайгу. Успыхнуў скандал

«Пуцін — дыктатар, патрыярх Кірыл — памагаты, расійскія НПЗ — законныя ваенныя цэлі» — рэзалюцыя ПАРЕ ў сувязі з забойствам Навальнага

Патрыярх Кірыл забараніў у служэнні святара, які праводзіў паніхіду на магіле Аляксея Навальнага

Nashaniva.com