У расійскай кампаніі VK, якая цяпер з'яўляецца ўладальніцай некалі папулярнага месенджара, заявілі, што яна цяпер сфакусуецца на развіцці «VK Мессенджера» для карыстальнікаў і карпаратыўнага сэрвісу на базе платформы VK WorkSpace для бізнэсу. Супрацоўнікі ICQ далучацца да камандаў гэтых двух прадуктаў.
Месенджар ICQ быў створаны ізраільскай кампаніяй Mirabilis у 1996 годзе. У 2010 годзе яго купіла расійская кампанія Mail.ru Group (у 2021 годзе стала VK).
Апошняе маштабнае абнаўленне ICQ правялі ў 2020 годзе на фоне каранавіруснага каранціну. У сакавіку 2022 года паведамлялася, што VK займаецца перазапускам ICQ.
Але цяпер стала вядома, што месенджар з 26 чэрвеня спыніць сваё існаванне.
Каментары