У выніку сённяшняй непагадзі ў Мінску склалася цяжкая транспартная сітуацыя, у многіх месцах сталіцу практычна паралізавала.
Залева выклікала падтапленні некаторых сталічных вуліц. Рух транспарту ў гэтых месцах абцяжараны. На гэтых участках вулічна-дарожнай сеткі інспектары ДАІ робяць рэгуляцыйныя дзеянні.
Ускладнены рух па вуліцах Якуба Коласа, Леніна, Гарадскі Вал, Арлоўская, Казлова, Сурганава, Акадэмічная, Кальварыйская, Няміга, Даўгінаўскі тракт, праспекты Незалежнасці, Пераможцаў, Партызанскі і шэрагу іншых участкаў вулічна-дарожнай сеткі, паведаміла мінская ДАІ.
«Мінсктранс» паведаміў пра спыненне грамадскага транспарту
Трамваі спыненыя:
№ 3, 6, 7 — вул. Платонава, Казлова, Уральская, Даўгабродская (з ~16:45-16:57);
№ 1, 5, 6, 11 — Коласа, Дарашэвіча (з 16:57).
Тралейбусы спыненыя:
№ 35, 46, 53, 33, 34, 92, 3, 16, 19, 30, 36, 59, 29, 40 — Максіма Багдановіча, Лук'яновіча, Акадэмічная, Батанічная, Куйбышава, Веры Харужай, пр. Партызанскі, а. п. «Велазавод».
Аўтобусы спыненыя:
№ 40, 78, 163 — вул. Кальварыйская.
Акрамя таго, перастала працаваць служба запыту раскладу транспарту на кароткім нумары 488, з'явіліся тэхнічныя ўскладненні.
Падняліся цэны і на таксі. Так, напрыклад, паездка ад сталічнага ГЦ «Еўропа» да чыгуначнага вакзала праз сэрвіс «Яндэкс. Таксі» абыдзецца ў больш за 30 рублёў. У звычайныя дні — у два разы танней.
Прапагандысты запэўніваюць, што 196 палітвязняў ужо на свабодзе9
Каментары