Расія будзе закупляць яблыкі ў Беларусі і іншых краінах, каб пазбегнуць дэфіцыту на ўнутраным рынку. Пра гэта расказаў намеснік кіраўніка Рассельгаснагляду Антон Кармазін. Паводле яго слоў, росту цэнаў на яблыкі на ўнутраным рынку не будзе, нягледзячы на праблемы з ураджаем з-за замаразкаў, піша ТАСС.
«Што тычыцца яблыкаў — у сувязі з цяперашнімі ўмовамі надвор'я Мінсельгас Расіі прагназуе па пладовых невялікі недабор ураджаю. Але ў цэлым канчатковы спажывец не ўбачыць павышэння кошту, бо гэта ўсё будзе замешчана пастаўкамі з тых жа нашых найбліжэйшых дружалюбных суседніх краін — з Азербайджана, Турцыі, Арменіі, Беларусі, Сербіі і Прыднястроўя», — расказаў Кармазін.
Пра планы закупляць яблыкі ў іншых краінах раней заяўляла міністарка сельскай гаспадаркі Расіі Аксана Лут.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага16
Каментары