Прэзідэнт Францыі Эманюэль Макрон плануе стварыць кааліцыю краін для адпраўкі заходніх вайсковых інструктараў ва Украіну, паведаміла 9 чэрвеня нямецкая газета Welt am Sonntag са спасылкай на дыпламатычныя крыніцы ў Бруселі, піша Deutsche Welle.
Паводле інфармацыі выдання, на мінулым тыдні начальнік Галоўнага штаба Узброеных сіл Францыі Цьеры Буркхард накіраваў ліст ва ўрады ЗША і шэрагу еўрапейскіх краін з запрашэннем прыняць удзел у навучальнай місіі ва Украіне ў рамках шматнацыянальнай «кааліцыі ахвотных».
Такую прапанову, піша Welt am Sonntag, атрымалі ў тым ліку Вялікабрытанія, Польшча, Нідэрланды, краіны Балтыі, Данія і Швецыя. Пры гэтым Парыж праігнараваў федэральны ўрад Германіі — у Берлін запрашэнне так і не паступіла.
Нямецкія ўлады за апошнія тыдні неаднаразова давалі зразумець, што нямецкія вайскоўцы не будуць браць удзел у вучэбнай місіі для падрыхтоўкі ўкраінскіх жаўнераў. Пра адмову ад удзелу загадзя папярэдзілі і ў Белым доме, але запрашэнне ў Вашынгтон усё ж такі адправілі, адзначае Welt am Sonntag.
Як піша выданне са спасылкай на дыпламатаў у Бруселі, Макрон плануе рэалізаваць ініцыятыву пад эгідай ужо наяўнай вучэбнай місіі ЕС ва Украіне (EUMAM). Для гэтага спатрэбіцца змяніць мандат місіі, аднак, як паказвае Welt, такое цалкам магчыма: гэтым летам місія ўсё адно будзе перагледжаная, а ў лістападзе яе прыйдзецца працягваць.
У той жа час у Бруселі існуе супраціў ідэям Парыжа, адзначаюць дыпламаты: паводле іх звестак, большасць краін ЕС былі б супраць удзелу ў місіі на тэрыторыі Украіны.
Так, урады Германіі, Італіі і Іспаніі асцерагаюцца, што навучанне ўкраінскіх вайскоўцаў на тэрыторыі краіны, дзе вядуцца баявыя дзеянні, магло б стварыць значную рызыку эскалацыі і ўцягнуць заходнія краіны ў вайну РФ супраць Украіны.
У сваю чаргу Венгрыя, якая неаднаразова затрымлівала дапамогу ЕС Украіне і выступала супраць санкцый у дачыненні да Расіі, на сустрэчы міністраў абароны Еўрасаюза ў канцы траўня заявіла, што ва Украіны больш «няма рэальных шанцаў» на перамогу ў вайне.
Аднак, па інфармацыі Welt am Sonntag, у дыпламатычных колах ЕС таксама распаўсюджанае меркаванне, што з вайсковага пункту гледжання ёсць важкія прычыны навучаць ўкраінскіх салдат на іх тэрыторыі. Тады трэніроўкі будуць больш адаптаваныя да патрэбаў УСУ, і вайскоўцам не прыйдзецца пакідаць сваю краіну для навучання.
Францыя перадасць Кіеву самалёты-знішчальнікі і падрыхтуе ўкраінскую брыгаду
Францыя і Брытанія дазволілі Украіне біць ракетамі Storm Shadow па аэрадромах у Белгарадскай і Курскай абласцях
Макрон таемна націснуў на Канаду, каб яна змякчыла санкцыі супраць Расіі
Макрон заклікаў працягваць падтрымліваць Украіну: Мір — гэта не капітуляцыя
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары