Макрон таемна націснуў на Канаду, каб яна змякчыла санкцыі супраць Расіі
Паводле некалькіх высокапастаўленых крыніц агенцтва Reuters, прэзідэнт Францыі Эмануэль Макрон прыклаў «значныя высілкі», каб прымусіць Канаду адмовіцца ад санкцый супраць расійскага тытану, бо ад гэтага залежалі інтарэсы адной буйной французскай кампаніі і не толькі.
Як піша агенцтва Reuters са спасылкай на крыніцы ў французскім і канадскім урадах, прэзідэнт Францыі Эмануэль Макрон націснуў на прэм'ер-міністра Канады Джасціна Трудо, каб той дазволіў французскім і еўрапейскім кампаніям свабодна закупляць і выкарыстоўваць падсанкцыйны расійскі тытан.
Адным з асноўных зацікаўленых у падобным змякчэнні санкцый супраць Расіі была еўрапейская аэракасмічная кампанія Airbus, якая юрыдычна лічыцца французскай і ў якой ёсць крытычна важныя заводы ў Канадзе, дзе для вытворчасці патрэбны тытан, паведамляе Reuters.
Крыніцы агенцтва адзначаюць, што Канада стала адзінай краінай Захаду, якая ўвяла абмежаванні на расійскі тытан з нагоды другой гадавіны ўварвання Расіі ва Украіну, чым заспела знянацку еўрапейскую аэракасмічную прамысловасць.
«У сувязі з гэтым французскі ўрад актыўна і на ўсіх узроўнях лабіраваў у Канадзе змякчэнне антырасійскіх санкцый, а Эмануэль Макрон у рэгулярных тэлефонных размовах з Джасцінам Трудо прыклаў «значныя высілкі», каб той дазволіў еўрапейскім кампаніям карыстацца расійскім тытанам», — паведамляе ананімная крыніца Reuters у канадскім урадзе.
Неназваны канадскі чыноўнік дадае, што ягоная краіна ў пытаннях антырасійскіх санкцый спачатку трымалася цвёрда, але ў выніку Францыя дамаглася сваёй мэты.
Канадскі і французскі ўрады ад каментароў адмовіліся, а прэс-служба кампаніі Airbus заявіла, што «выконвае ўсе антырасійскія санкцыі».
Цяпер чытаюць
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы1
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1919
Каментары