На польска-літоўскай мяжы затрымалі беларуса, які вёз у багажніку егіпцяніна
Здарэнне адбылося ў суботу 3 мая.
«Патруль з Памежнай службы падаў сігнал на спыненне машыны Peugeot з польскімі нумарамі. Аўтамабіль ехаў з боку польска-літоўскай мяжы. Кіроўца праігнараваў сігналы, паскорыўся і пачаў уцякаць. Патруль кінуўся ў пагоню, адначасова былі праінфармаваныя іншыя сумесныя патрулі з іншых пастоў. Аўтамабіль спрабаваў спыніць патруль з Голдапы, аднак кіроўца не спыніўся, справакаваўшы сутыкненне з аўтамабілем Памежнай службы і працягнуў уцёкі. Затым ён урэзаўся ў браму аднаго з дамоў і ў дрэва, пасля чаго спрабаваў уцякаць пешшу», — паведамляе Памежная служба Польшчы.
Кіроўцам аказаўся 44-гадовы грамадзянін Беларусі, які перавозіў трох пасажыраў — двух на заднім сядзенні і аднаго ў багажніку. Усе яны былі грамадзянамі Егіпта, не мелі дакументаў, што даюць права на перасячэнне польска-літоўскай мяжы і знаходжанне ў Польшчы.
Беларус атрымаў абвінавачанне ў садзейнічанні арганізацыі незаконнага перасячэння мяжы — яму пагражае да 8 гадоў пазбаўлення волі. Па рашэнні суда ён часова арыштаваны на 3 месяцы. Ён таксама панясе адказнасць за невыкананне патрабавання аб спыненні транспартнага сродку — за гэта пагражае да 5 гадоў зняволення. Акрамя таго, ён атрымаў рашэнне аб выездзе з краіны і забарону на ўезд у Польшчу і краіны Шэнгенскай зоны на 10 гадоў.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары