Грамадства2

Афіцыйна пакідае Беларусь IT-кампанія Playtika

Інфармацыя пра ліквідацыю беларускай юрыдычнай асобы «Плэйтыка Бел» з'явілася на сайце адзінага дзяржрэгістратара, хоць на афіцыйным сайце Playtika Беларусь усё яшчэ фігуруе ў пераліку лакацый, дзе ёсць офісы кампаніі, заўважыў Devby.io.

Офіс кампаніі Playtika ў ізраільскай Герцліі

Афіцыйна працэдура ліквідацыі кампаніі па рашэнні ўласніка была запушчаная ў канцы красавіка, але пра сыход з Беларусі ізраільскай геймдэв-кампаніі Playtika стала вядома яшчэ ў студзені.

Першапачаткова, са слоў супрацоўнікаў, планавалася, што беларуская каманда дапрацуе да канца лютага. Аднак пазней топ-менеджмент кампаніі скарэктаваў планы. Супрацоўнікам паведамілі, што апошні працоўны дзень для ўсіх, хто застанецца ў Беларусі — 30 красавіка. Пасля гэтай даты доступу да карпаратыўных рэсурсаў з Беларусі не будзе.

Зрэшты, фізічны офіс у Мінску быў закрыты для большасці супрацоўнікаў ужо з пачатку сакавіка. Як расказала адна з крыніц, у лютым «з многімі інжынерамі завяршылі працоўныя адносіны, выплацілі ім заробак і гадавы бонус». Колькі супрацоўнікаў мінскага офіса было звольнена, а колькі працягваюць працаваць, але ўжо ў іншых лакацыях, невядома.

Анонс закрыцця офіса ў Мінску супаў з новым раўндам глабальных скарачэнняў у Playtika. Медыя паведамлялі, што скароцяць 300-400 супрацоўнікаў у розных лакацыях. Каманда ў Мінску чакала, што працу могуць страціць да 50% офіса (каля 150 чалавек).

Офіс кампаніі-распрацоўшчыка Playtika ў Мінску быў адкрыты ў 2012 годзе. На піку ў кампаніі працавала больш за 600 чалавек (на канец 2021 года). Мінскі офіс уваходзіў у топ-20 самых буйных ІТ-кампаній у Беларусі.

У квартальных справаздачах Playtika ў апошнія гады Беларусь фігуравала сярод фактараў рызыкі. У фінансавай справаздачнасці за мінулы год Playtika згадала Беларусь у пераліку рызык, «звязаных з міжнароднымі аперацыямі і ўласнасцю».

Каментары2

  • Влад
    10.06.2024
    А 4 года чего ждали?
  • Неяк так
    10.06.2024
    [Рэд. выдалена]

«Сказалі маці, што застрэліўся». У беларускім войску ў Дзень незалежнасці загінуў малады салдат4

«Сказалі маці, што застрэліўся». У беларускім войску ў Дзень незалежнасці загінуў малады салдат

Усе навіны →
Усе навіны

У Мінску адкрылася першая крама, якая прыходзіць на змену «Бусліку»5

У Гомелі дэпутат правёў прыём грамадзян, на які ніхто не прыйшоў3

Сілавікі разграмілі М1 — самае папулярнае ў расіян беларускае казіно9

Міхаіл Падаляк расказаў, ці будзе Украіна выцягваць з-за кратаў «рэйкавых партызанаў»7

Маласольныя агуркі: у чым іх карысць і навошта дадаваць у слоік лісце дуба і парэчак15

Журналістка БТ абурылася навіной пра сябе: Гэта была мая першая самастойная паездка ў Еўропу18

Камароўка, Заходні рынак, гандаль каля метро: дзе цяпер таннейшыя ягады і грыбы?

Ці можна сарваць яблыкі з суседскага дрэва, калі галіна звісае над вашым участкам? Адказ вас здзівіць5

«Белсат» перастане быць самастойнай адзінкай у структуры TVP13

больш чытаных навін
больш лайканых навін

«Сказалі маці, што застрэліўся». У беларускім войску ў Дзень незалежнасці загінуў малады салдат4

«Сказалі маці, што застрэліўся». У беларускім войску ў Дзень незалежнасці загінуў малады салдат

Галоўнае
Усе навіны →