Баялася за сваіх дочак.
У вёсцы Панікарты Дзятлаўскага раёна ўвечары 13 чэрвеня заўважылі зграю ваўкоў.
Жывёлы забеглі ў двор аднаго з дамоў. Там знаходзілася жанчына з дзвюма дочкамі. Яна спалохалася за сваіх дзяцей і выклікала на ваўкоў міліцыю.
Сілавікі прыехалі на месца і прагналі ваўкоў, уключыўшы сірэну і мігалкі. Жывёлы разбегліся і схаваліся ў лесе. Міліцыянты перадалі інфармацыю пра ваўкоў спецыяльным службам, паведамілі ва УУС.
У канцы красавіка воўк больш за тыдзень тэрарызаваў жыхароў Віцебска. Яго ў выніку высачылі і застрэлілі.
Каментары