Дэпутаты задаволілі патрабаванні генеральнага пракурора аб вызваленні Усманзада ад парламенцкай недатыкальнасці і пазбавілі яго дэпутацкага імунітэту.
У Таджыкістане па патрабаванні Генпракуратуры быў арыштаваны дэпутат парламента і былы старшыня Дэмакратычнай партыі Саіджафар Усманзада, піша «Настоящее время».
Усманзада абвінавачваецца ў папярэдняй змове з лідарамі апазіцыі з мэтай захопу дзяржаўнай улады ў Таджыкістане, а таксама ў супрацоўніцтве з лідарамі забароненага ў Таджыкістане «Нацыянальнага альянсу Таджыкістана».
Паводле звестак следства, у верасні 2021 года Усманзада правёў тэлефонныя перамовы з намеснікам кіраўніка «Нацыянальнага альянсу Таджыкістана» Шарофідзінам Гадоевым і «даў папярэднія рэкамендацыі наконт узурпацыі дзяржаўнай улады».
Гадоеў, як сцвярджаецца, паабяцаў, што кіраўнік экстрэмісцкай арганізацыі «Партыя ісламскага адраджэння» Мухідын Кабіры акажа яму фінансавую дапамогу і забяспечыць перакідку з-за мяжы больш за тры тысячы байцоў тэрарыстычнай арганізацыі «Джамаат Ансарулах».
Дэпутаты задаволілі патрабаванні генеральнага пракурора аб вызваленні Усманзада ад парламенцкай недатыкальнасці і пазбавілі яго дэпутацкага імунітэту.
Меркаванне самога Усманзада і яго сваякоў наконт прад'яўленых абвінавачанняў пакуль невядомае.
У сярэдзіне мая на пазачарговым з'ездзе Дэмакратычнай партыі Усмонзада быў адхілены з пасады яе старшыні за «нездавальняючую дзейнасць».
Яго месца заняў 34-гадовы Шахбоз Аброр, які ўзначальваў аддзяленне партыі ў Душанбэ. У ходзе галасавання ён атрымаў падтрымку 64 прыхільнікаў.
Лукашэнка прыгразіў Расіі вайной у выпадку далучэння Беларусі43
Лукашэнка прыгразіў Расіі вайной у выпадку далучэння Беларусі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары