У Баранавічах па «народным» артыкуле зноў будуць судзіць адразу восем чалавек
У чацвер, 27 чэрвеня, у судзе Баранавіцкага раёна і горада Баранавічы суддзя Ганна Папова будзе разглядаць справу паводле арт. 342 Крымінальнага кодэксу (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх), піша «Вясна».
Па справе праходзяць адразу восем фігурантаў: Мікалай Лосік, Ірына Чабатар, Анастасія Грачышкіна, Уладзімір Дзеўгуць, Павел Місцейка, Чэслаў Гвяздоўскі, Дзмітры Руткевіч, Мікалай Дударэвіч.
Вядома, што Мікалай Лосік быў затрыманы падчас «хапуна» ў мінулым снежні, а Чэслаў Гвяздоўскі — вядомы ў горадзе вядоўца святаў і мерапрыемстваў.
За апошнія тры месяцы вынеслі прысуды па «народным» артыкуле ўжо 25 жыхарам Баранавічаў.
Каментары