У Мастоўскім раёне бацька амаль год рэгулярна збіваў свайго 10-гадовага сына
Пракуратура Мастоўскага раёна накіравала ў суд крымінальную справу па абвінавачванні 47-гадовага мясцовага жыхара ў катаванні свайго сына, паведамілі ў прэс-службе ведамства.
Згодна з матэрыяламі справы, мужчына з мая 2023 года па 8 красавіка 2024 года не менш за 11 разоў збіў свайго 10-гадовага сына. Шматдзетны бацька наносіў дзіцяці ўдары папругай альбо рукамі па розных частках цела.
Свае дзеянні мужчына тлумачыў працэсам выхавання. Напрыклад, ён біў сына за тое, што ён дрэнна паводзіў сябе ў школе, парваў штаны пры катанні на ровары або зайшоў у пакой у непажаданы для бацькі час.
Мужчыну выставілі абвінавачванне па ч. 2 арт. 154 КК («Катаванне, здзейсненае ў дачыненні да непаўналетняга»). Ён знаходзіцца пад вартай.
Акрамя таго, да адказнасці прыцягнутыя чатыры службовыя асобы, у абавязкі якіх уваходзіць сачэнне за сітуацыяй у праблемных сем'ях: тры з іх прыцягнутыя да дысцыплінарнай, а адна — да матэрыяльнай адказнасці.
Лукашэнка прыгразіў Расіі вайной у выпадку далучэння Беларусі43
Лукашэнка прыгразіў Расіі вайной у выпадку далучэння Беларусі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары