У вёсцы Плябанцы Пружанскага раёна пʼяны 15-гадовы хлопец пасварыўся з бацькам. У часе канфлікту разʼюшаны падлетак да смерці збіў мужчыну.
Па даных следства, увечары 21 кастрычніка 2023 года падлетак прывёў дадому сваіх знаёмых і піў з імі гарэлку. Пазней паміж сынам і бацькам адбыўся канфлікт, падчас якога хлопец збіў мужчыну. Пры гэтым ён папрасіў сябра здымаць гэта на камеру мабільнага тэлефона.
Бацька, не апрытомнеўшы, памёр ад шматлікіх траўм, у той час як яго сын разам са знаёмымі пайшлі з дому.
У ходзе следства непаўналетні не прызнаў віну і сцвярджаў, што не хацеў забіваць бацьку.
Але, паводле следства, у сына з бацькам склаліся асабістыя непрыязныя адносіны. На відэа захавалася, як падлетак падчас збіцця неаднаразова выказваў намеры забіць бацьку. Экспертызай устаноўлена, што хлопец нанёс бацьку не менш за 19 удараў у вобласць жыццёва важных органаў.
Непаўналетняму выстаўлена абвінавачанне па ч. 2 арт. 139 (забойства, учыненае з асаблівай жорсткасцю).
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары