Свет55

«Расія ўжо адпраўляе першыя групы на марскія курорты КНДР». Пра што дамовіліся кіраўнікі КНДР і Расіі

Выступаючы ў Пхеньяне, Уладзімір Пуцін распавёў, якімі дасягненнямі ў сваіх адносінах ганарацца Расія і КНДР і пра што дамовіліся ў часе цяперашняга візіту расійскага кіраўніка ў КНДР.

 Уладзімір Пуцін у Пхеньяне. Фота: kremlin.ru

Уладзімір Пуцін і Кім Чэн Ын у Пхеньяне заключылі дамову аб усёабдымным стратэгічным партнёрстве паміж Расіяй і КНДР, паведамляе прэс-служба Крамля. На прэс-канферэнцыі пасля падпісання пагаднення прэзідэнт РФ заявіў, што новая дамова прадугледжвае аказанне ўзаемнай дапамогі ў выпадку агрэсіі супраць аднаго з удзельнікаў. Ён таксама зазначыў, што Расія «не выключае для сябе ваенна-тэхнічнага супрацоўніцтва з КНДР у адпаведнасці з падпісаным дакументам». 

Лідар КНДР Кім Чэн Ын у сваю чаргу сказаў, што заключаны паміж краінамі дагавор мае «выключна міралюбівы і абарончы характар» і закліканы абараняць і адстойваць інтарэсы народаў дзвюх краін. «Не сумняваюся ў тым, што ён стане рухаючай сілай, якая паскарае стварэнне новага шматпалярнага свету. Час змяніўся. Таксама змяніўся статус КНДР і РФ у сусветнай геапалітычнай структуры», — дадаў Кім Чэн Ын. 

Новая дамова прыйшла на змену асноўным дакументам паміж Расіяй і Паўночнай Карэяй, якія падпісвалі лідары краін у 1961, у 2000 і 2001 гадах. 

Акрамя таго, у рамках дзяржаўнага візіту Пуціна ў Паўночную Карэю былі падпісаны міжурадавыя пагадненні аб супрацоўніцтве ў сферы аховы здароўя, медыцынскай адукацыі і навукі, а таксама будаўніцтве пагранічнага аўтамабільнага моста.

Як піша Shot, Пуцін заявіў, што «абʼектыўная пазіцыя КНДР па Украіне пацвярджае суверэнны курс гэтай краіны», «Расея і КНДР паслядоўна адстойваюць ідэю фармавання больш справядлівага, шматпалярнага светабуду».

На думку кіраўніка Расіі, «запушчаны ЗША рэжым санкцый Рады Бяспекі ААН у дачыненні да КНДР павінен быць перагледжаны». 

А Расія, паводле яго заявы, ужо адпраўляе першыя групы на марскія курорты КНДР. 

Уладзімір Пуцін другі раз наведаў Пхеньян. Упершыню ён быў з візітам у КНДР у 2000 годзе.

Каментары5

  • |
    19.06.2024
    " отправляет первые группы на морские курорты КНДР " . Спадзяюся першымі будуць " элита , соль земли русской " . Самовары с сво )
  • Ай-Петры
    19.06.2024
    Пара Крым на радзіму. Замена ўжо знойдзена.)
  • СМ
    19.06.2024
    Новости закулисье (прочитано в фейсбуке Рустем Адагамова): Северокорейский чиновник выгнал российских министров, которые зашли в зал заседаний раньше Ким Чен Ына. Из зала попросили выйти главу МИД Лаврова, министра обороны Белоусова, министра здравоохранения Мурашко, главу Роскосмоса Борисова, первого вице-премьера Мантурова, вице-премьера Савельева и других членов российской делегации.
    — Выйдите в холл.
    — А зачем мы сюда зашли? Вы бы сразу предупредили…
    — Сначала войдет наш руководитель...
    )))

Расійскі шахед выбухнуў за 55 км ад Бабруйска3

Расійскі шахед выбухнуў за 55 км ад Бабруйска

Усе навіны →
Усе навіны

Латвія хоча наогул забараніць машынам з беларускімі нумарамі перасоўвацца па краіне8

Віцебская сям'я знайшла зніклага сваяка праз 25 год1

Трамп упершыню з'явіўся на публіцы з перавязаным вухам пасля стрэлаў у Пенсільваніі ФОТА1

Беларус, які сарваўся са скалы ў Кабардзіна-Балкарыі, загінуў

«Білі флагштокам, каб роўна стаяў на каленях перад начальнікам», — палітвязень, які мяняў сцягі на бел-чырвона-белыя, расказаў пра зняволенне

Уначы шахед зноў заляцеў у Беларусь1

На Валожыншчыне блаславілі новы помнік на магіле святара, якога забілі камсамольцы ў 1950 годзе1

Што адбываецца з кліматам? Такая спёка летам будзе заўсёды?6

Беларуса затрымалі пасля адпачынку ў Італіі3

больш чытаных навін
больш лайканых навін

Ад заўтра абмежаванні на ўезд аўто з беларускімі нумарамі мае ўвесці Літва

Ад заўтра абмежаванні на ўезд аўто з беларускімі нумарамі мае ўвесці Літва

Галоўнае
Усе навіны →