Грамадства1414

Дыверсія ў «Мінскай праўдзе»: заўтрашні нумар выйдзе з бел-чырвона-белым сцягам на першай паласе

Абласная прапагандысцкая газета «Мінская праўда» апублікавала тытульную старонку нумара выдання, які мае выйсці заўтра, 21 чэрвеня. Нумар яшчэ не з'явіўся ў шапіках і паштовых скрынках, але ўжо вядома, што дызайнерам газеты не ўдалося пазбегнуць пры яго падрыхтоўцы ідэалагічнага праколу. 

У гэтым нумары прапагандысты ўжо пачынаюць смакаваць юбілей перамогі Лукашэнкі на прэзідэнцкіх выбарах 30-гадовай даўніны. Першы тур тых выбараў, якія сталі першымі і пакуль апошнімі дэмакратычнымі ў найноўшай гісторыі Беларусі, адбыўся 23 чэрвеня 1994 года.

Тытульная старонка гэтага нумара вытрымана ў звычайным для гэтага выдання стылі — «ярка і маляўніча». Яна аж стракаціць ад шматлікіх фота з Лукашэнкам ды чырвона-зялёных колераў, а ў верхняй частцы, вытрыманай у стылі дзяржаўнага сцяга, безапеляцыйна сцвярджаецца, што «Беларусь = Лукашенко».

Вось толькі ідэолагі недагледзелі, што знак «=», выкананы белым колерам на чырвоным фоне, ператвараецца ў ненавісны рэжыму бел-чырвона-белы сцяжок. І гэта побач са словам «Лукашенко», а яшчэ побач з фота, на якім тады яшчэ малады палітык акурат дэманструе альтэрнатыўную дзяржаўную сімволіку. 

Атрымалася вельмі сімвалічна, асабліва ўлічваючы тое, з якім імпэтам самі прапагандысты і сілавікі вышукваюць і заўважаюць нацыянальную сімволіку ў самых нечаканых месцах. 

Каментары14

  • Апанас
    20.06.2024
    Прышпіл на 10 балаў. А мо так і задумана было))
  • IМЯ
    20.06.2024
    Пхахах, очередное дно, НН, поздравляю. Ваша борьба
  • Абармот
    20.06.2024
    Везде партизаны!

Стрыжак расказаў, як яго вербавалі спецслужбы5

Стрыжак расказаў, як яго вербавалі спецслужбы

Усе навіны →
Усе навіны

У Лідзе затрымалі ўладальніка кавярні «Тутака»

Z-канал: Імаверна, Крыгер арганізоўваў дыверсіі ў Бранскай вобласці5

Раіла біць нагой у сківіцу кожнаму маскваротаму, называла акупацыю Марыупаля кармай — хто такая Ірына Фарыён, якую забілі ў Львове37

У Вілейскім раёне кіроўца пагрузчыка ледзь не ўрэзаўся ў пахавальную працэсію

Украіна спяшаецца стварыць ваенныя беспілотнікі са штучным інтэлектам1

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам7

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

больш чытаных навін
больш лайканых навін

Стрыжак расказаў, як яго вербавалі спецслужбы5

Стрыжак расказаў, як яго вербавалі спецслужбы

Галоўнае
Усе навіны →