Меркаванні44

Мілінкевіч назваў тры задачы Масквы на прэзідэнцкіх выбарах у Беларусі

«Яны будуць за нас змагацца не менш, чым за Украіну. Пакуль без крыві», — разважае Аляксандр Мілінкевіч.

«Масква нам ніколі не будзе партнёрам», — перакананы Аляксандр Мілінкевіч. Фота: Contributor Getty Images

У новым выпуску ТОКу былы кандыдат у прэзідэнты Аляксандр Мілінкевіч адзначыў, што Масква на прэзідэнцкіх выбарах у Беларусі заўсёды ставіла тры задачы.

Першая — гэта пасварыць апазіцыю. Другая — пасварыць Беларусь з Захадам. Калі ў Беларусі арыштоўваюць і збіваюць людзей, Захад вымушаны ўводзіць санкцыі. Так Еўропа аддаляе ад сябе і прыбліжае да Масквы, кажа Мілінкевіч.

Трэцяя задача — напалохаць Лукашэнку так, каб ён хутчэй бег да Масквы.

Мілінкевіч заўважае:

«Памылка нашай дэмакратыі ў тым, што гаварыць пра ўплывы Масквы, што яна мае свае сцэнары, што пэўных людзей выкарыстоўвае, гэта не камільфо. «Так не трэба, непрыгожа, непрыстойна». І гэта шкодзіць нашым поспехам».

Палітык адзначае важнасць разумення ў грамадстве таго, што Масква пастаянна працуе і хоча захаваць Беларусь у зоне свайго абсалютнага ўплыву.

«Пуцін сказаў, што не толькі ўкраінцаў няма як нацыі, але і беларусаў няма. Мы ўвесь час павінны сабе казаць — нас як беларусаў не лічаць за людзей. Мы толькі рускімі можам быць з імі разам. (…) Мы павінны гэтую пагрозу адчуваць. Мы мусім пра яе гаварыць, разумець і нейтралізаваць. Калі не нейтралізуем, то мы прайграем», — адзначыў Мілінкевіч.

@tokbelarus Ці хочуць беларусы ў Еўропу? Адказвае Аляксандр Мілінкевіч #экономика #политика #объяснение #евросоюз #чиновники #беларусь ♬ stellar (Slowed + Reverb) - .diedlonely & énouement

Масква нам ніколі не будзе партнёрам, упэўнены ён.

«Мы павінны разумець, асабліва цяпер, што пытанне, што рабіць з Масквой, — экзістэнцыйнае. Пра тое, быць ці не быць Беларусі. З Масквой Беларусі не будзе. Мы можам быць нейкай губерняй у Расійскай імперыі без усякай беларускасці і гісторыі», — папярэджвае палітык.

«Мы мусім не ўдзельнічаць у небеларускіх сцэнарах. (…) Мы на мяжы цывілізацыі, і цяпер ідзе змаганне цывілізацыйнае. Імперыі — Кітайская, Расійская, Іран — могуць моцна папсаваць лёсы краін Еўропы. А наш асабліва. Украіну яны маральна прайгралі. Яны гэта разумеюць. Украінцаў можна забіць, але нельга пакарыць. Украінцы ўсё роўна будуць супраціўляцца.

А ў выпадку беларусаў ім здаецца, што гэта лёгка зрабіць. І ўзнагародай іх імперскай палітыкі — далучэнне (не абавязкова адміністрацыйнае, гэта можа быць узмацненне ідэй «рускага свету»). І яны будуць за нас змагацца не менш, чым за Украіну. Пакуль без крыві. Мы мусім гэта разумець», — адзначыў Мілінкевіч.

Глядзіце цалкам:

Каментары4

  • Jazafat
    09.07.2024
    "А ў выпадку беларусаў ім здаецца, што гэта лёгка зрабіць..."
    Ім не здаецца. Яны гэта ўжо зрабілі, зрабіўшы нас праз РПЦ адзінаверцамі і белымі рускімі. І каб не каталіцкае насельніцтва, можна б было ужо паставіць кропку...
  • Беларус
    09.07.2024
    Вымушаны пагадзіцца, што рассейска арыянтаваннвых даволі шмат, мабыць адсоткаў 30. Нямала, але і не тое каб вельмі шмат. Большасць хацела б жыць у незалежнай Беларусі або ў складзе Еўразвязу. І гэтай большасці сьвядома не даспадобы той трэш, што тварыць расея, што звонку краіны, што ўнутры.
  • Дзе ж там
    09.07.2024
    Беларус, скуль вашыя дадзеныя? Паводле мноства апытанак рускацэнтрычным з'яўляюцца не менш за 80 адсоткаў насельніцтва, няважна, ябацек ці невероятных. і гэтая доля не надта мяняецца ў часе.

    А ўжо дзе і як хоча жыць рускамірны скот, аб тым яго ніколі не пытаюцца.

Банкі зніжаюць прыбытковасць па валютных дэпазітах да 0,1%. Тлумачым матэматыку2

Банкі зніжаюць прыбытковасць па валютных дэпазітах да 0,1%. Тлумачым матэматыку

Усе навіны →
Усе навіны

Рэдактарку газеты Мазырскага НПЗ, якую затрымлівалі за «экстрэмізм», звольнілі і замянілі на прапагандыста з Рагачова

На Ваўпшасава ў Дражні машына амаль цалкам сышла пад ваду ФОТАФАКТ

Арына Сабаленка: Плячо зажыло. На гэтым тыдні я пачынаю гуляць1

Камароўскі рынак ператварыўся ў сапраўднае мора ВІДЭА6

Сілавікі ў Брэсце затрымалі дырэктара кампаніі за ўдзел у пратэстах у жніўні 2020 года

У Мінску з-за патопу закрылі станцыю метро «Парк Чалюскінцаў» ВІДЭА

«У Беларусі маю музыку рэкламавала КДБ, а ў Польшчы — паліцыя». Банцар пракаментаваў сваё затрыманне ў Варшаве9

Літва развярнула на мяжы больш за 20 машын з Беларусі — у тым ліку з грамадзянкай Літвы за рулём5

Мінск сёння пайшоў пад ваду ФОТЫ13

больш чытаных навін
больш лайканых навін

Банкі зніжаюць прыбытковасць па валютных дэпазітах да 0,1%. Тлумачым матэматыку2

Банкі зніжаюць прыбытковасць па валютных дэпазітах да 0,1%. Тлумачым матэматыку

Галоўнае
Усе навіны →