Мы знайшлі спіс «тэрарыстаў» ад КДБ, які згубіўся на пяць месяцаў. Цяпер у ім амаль 450 беларусаў
Сайт КДБ, на якім раней публікаваўся спіс, не працуе з лютага пасля ўзлому «Кіберпартызанаў». За гэты час спіс значна павялічыўся.
Аднак высветлілася, што пакуль сайт КДБ не працуе, чэкісты вырашылі публікаваць яго ў адмысловым тэлеграм-канале. Апошні раз ён абнаўляўся 28 чэрвеня.
Вірусаў у файле, здаецца, няма. Прынамсі, у гэтым пэўны сервіс-агрэгатар Virustotal, але мы не раім адкрываць файл на ўласным камп'ютары.
З лютага 2024-га, калі «Кіберпартызаны» ўзламалі сайт КДБ, у спіс дадалося 46 прозвішчаў. З іх рэальных тэрарыстаў дзевяць чалавек — гэта людзі, якіх дадалі туды па рэзалюцыях ААН.
Больш за трыццаць новых «тэрарыстаў» асуджаныя ў Беларусі. Напрыклад, у спіс дадалі маладую маці Кацярыну Шаблінскую-Іванову, іпэшніка з Баранавічаў Сяргея Бунату, жанчыну, якая мае сына з інваліднасцю, Надзею Лапцёнак, былога вайскоўца Дзяніса Кучынскага, 18-гадовага першакурсніка БДПУ Германа Лебедзева і 43-гадовую мінчанку Ірыну Гаўрыловіч.
Ёсць і тыя, хто збег ад пераследу і асуджаны завочна. У спісе з'явіліся імёны Вольгі і Андрэя Павукоў, колішняга ўдзельніка каманды Віктара Бабарыкі і сакратара Каардынацыйнай рады Івана Краўцова, а таксама палітолага Дзмітрыя Балкунца.
На сёння ў спісе 1160 імёнаў. З іх 450 — гэта людзі, уключаныя туды па палітычных матывах (з іх два грамадзяніна Украіны), амаль 40% ад усяго спісу.
Унясенне ў спіс накладае значныя абмежаванні. Напрыклад, «тэрарыстам» нельга перавесці грошы ў СІЗА або калонію. Па вызваленні жыць таксама няпроста — напрыклад, немагчыма адкрыць рахунак у банку і амаль немагчыма ўладкавацца на добрую працу.
«Наша Нiва» — бастыён беларушчыны
ПАДТРЫМАЦЬБлакаванне SIM-карты, рахункаў, немагчымасць прадаць ці купіць жытло. Як КДБ зрабіў невыносным жыццё фігурантаў «спіса тэрарыстаў»
67-гадовая беларуска вярнулася са Швецыі. Цяпер ёй пагражае да дзесяці гадоў турмы
Бізнэсоўцу з Маладзечна далі шэсць гадоў калоніі за данаты Палку Каліноўскага і «Байсолу»
Лукашэнка прыгразіў Расіі вайной у выпадку далучэння Беларусі43
Лукашэнка прыгразіў Расіі вайной у выпадку далучэння Беларусі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары