Усяго патроху44

У небе над Беларуссю заўважылі незвычайнае свячэнне. Што гэта было?

Напярэдадні вечарам у сацсетках з'явіліся кадры неапазнанага лятальнага аб'екта, які можна было разглядзець няўзброеным вокам. Адразу з'явіліся версіі, што гэта нешта звышнатуральнае, але насамрэч усё тлумачыцца вельмі проста, піша Telegraf.news.

Насамрэч гэта была модульная ракета Ariane 6 еўрапейскага кансорцыума Arianespace, якую запусцілі ў Французскай Гвіяне ў 16:00 па мясцовым часе.

Гэтая ракета, стартаваўшы на паўночным усходзе Паўднёвай Амерыкі, зрабіла як мінімум тры віткі вакол Зямлі. Мяркуючы па часе, над Беларуссю яе можна было ўбачыць падчас другога з іх.

Першапачаткова планавалася, што старт адбудзецца а 15:00 паводле мясцовага часу (21:00 паводле Мінска), аднак пасля таго, як у выніку праверкі спецыялісты выявілі «невялікую праблему», палёт адклалі на гадзіну да 22:00 паводле беларускага часу.

Траекторыя палёту ракеты Ariane 6

На борце ракеты было 17 «пасажыраў», у тым ліку 11 універсітэцкіх мікраспадарожнікаў, а таксама спускальныя капсулы і невялікія навуковыя эксперыментальныя інструменты. Місія будзе лічыцца паспяховай пасля таго, як шматразовы разгонны блок ракеты ўпадзе ў Ціхі акіян.

У гэтым годзе запланаваны яшчэ адзін запуск Ariane 6, у 2025 годзе — шэсць, а ў 2026 годзе — яшчэ восем.

«Вельмі прыгожа, я бачыла. Думала, кукуха паехала пасля працы», — напісала пад відэа відавочцаў з тыктока адна беларуска. А іншая дадала: «У Рагачове таксама назіралі гэтую штуку, напэўна, хвілін з 30. І ззянне, і як быццам выбух — усё пралятала і змяняла свячэнне».

Вышыня Ariane 6 складае 56 метраў, а яе старт забяспечвалі, як паведаміў кіраўнік праекта стартавай базы ESA Мішэль Рыцы, больш за 200 экспертаў. Яны размясціліся ў найбліжэйшым бункеры. Ахоўвала месца запуску таксама вялікая колькасць вайскоўцаў, у тым ліку тры знішчальнікі.

Каментары4

  • умка белка і стрэлка
    10.07.2024
    а хто разрашыў лётаць над Рагачовам? хай тады запцацкі для боінгаў даюць
  • Васёк,
    10.07.2024
    Вы гаварыця ракета..., а другия гаварат...не ракета, а марсияне... и каму жа верыць?
  • відьмаявідьма
    11.07.2024
    Васёк,, папам верце

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Усе навіны →
Усе навіны

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе2

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай17

Полк Каліноўскага афіцыйна пацвердзіў замену свайго камандзіра і заявіў пра рэфармаванне20

Польшча распачала паляванне на кампаніі, якія абыходзяць санкцыі супраць Беларусі і Расіі1

Лукашэнка загадаў адпраўляць на ліквідацыю наступстваў урагану палітзняволеных18

больш чытаных навін
больш лайканых навін

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Галоўнае
Усе навіны →