У часе буры моцна пацярпелі птушкі. Адзіны ў краіне прытулак для іх не дае рады — яму патрэбная дапамога
У часе моцнай буры, што два дні бушавала ў Беларусі, моцна пацярпелі птушкі — іх збівала градам, ветрам, ламала іх гнёзды, раскідвала птушанят. Пераламаных, знясіленых, паўмёртвых іх прывозяць у адзіны ў краіне прыватны прытулак для птушак — ветэрынары амаль зусім не дапамагаюць дзікім птушкам.
Цяпер у сацсетках прытулка — сапраўдная драма. «Прытулак завалены птушкамі, зараз шукаем аўтадапамогу для новых пацярпелых буслоў з Пінскага раёна, в. Лапаціна да нас у @birdhelp. У Асіповічах паваліла шмат дрэў, шмат пацярпелых», — пішуць гаспадары прытулку.
Таксама яны апублікавалі пост, у якім распавялі, што з некалькіх буслянят, што яны ўзялі пасля буры, толькі адзін выжыў, і той не ўстае на лапкі.
«Ластаўкі едуць па адной, дзве, пяць з розных куткоў — ім патрэбныя цвыркуны».
Прытулак піша, што з розных кропак краіны паступаюць паведамленні пра пацярпелых птушак. Ён абяцае дапамагаць, на колькі хопіць сілаў.
Дапамагчы прытулку можна:
— карта 9112 3801 1942 5371 тэрмінам да 07/27
— расійская карта 2204 1202 0082 7018 тэрмінам да 02/28
— МТС +375336684102 (можна папоўніць баланс МТС звычайным спосабам або праз афіцыйны сайт mts.by)
— можна знайсці в АРІП по кодзе 7451866
— WebMoney кашалёк 410019909149015
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»25
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары