Культура

Ураган паваліў векавыя ліпы на сядзібе Храптовічаў у Шчорсах

13 ліпеня па Гродзенскай вобласці прайшоў навальнічны фронт. Моцны вецер нарабіў бяды і на тэрыторыі парку ў Шчорсах.

Паваленыя дрэвы на тэрыторыі парку Храптовічаў у Шчорсах. Фота з сацсетак

Як паведамляюць відавочцы, ураган знішчыў каля траціны старых ліп у парку пры былой сядзібе Храптовічаў, помніку архітэктуры і садова-паркавага мастацтва другой паловы XVIII — пачатку XIX стагоддзя.

«Гэта жах: з камлём і каранямі проста валіла 20-25-метровыя ліпы і адначасна ламала іх. А невялікія дрэвы вышынёй 6-10 метраў проста ў мачалку галінкі кудлаціла», — піша відавочца ў сацсетках.

Паваленыя дрэвы на іншым беразе ставоў у парку Храптовічаў у Шчорсах. Фота з сацсетак

У XIX стагоддзі сядзіба Храптовічаў была важным культурным цэнтрам. Тут бывалі Адам Міцкевіч, Уладзіслаў Сыракомля, Ян Чачот. Апошні некаторы час працаваў бібліятэкарам у знакамітай бібліятэцы пры сядзібе. 

У Першую сусветную вайну палац Храптовічаў пацярпеў ад ваенных дзеянняў і пазней быў разабраны, мясцовую бібліятэку вывезлі і перадалі пазней Кіеўскаму ўніверсітэту. Пытанне аб вяртанні бібліятэкі ў Беларусь неўрэгулявана дагэтуль.

Паваленыя дрэвы на тэрыторыі парку Храптовічаў у Шчорсах. Фота з сацсетак
Паламаныя дрэвы ў аграсядзібе на тэрыторыі парку Храптовічаў у Шчорсах. Фота з сацсетак

Апошняга ўласніка маёнтка, прадстаўніка рускага роду Буцянёвых, якія ў спадчыну па кудзелі (то-бок па жаночай лініі) атрымалі права менавацца графамі Храптовічамі, арыштавалі ў верасні 1939 года савецкія войскі. 

У час вайны немцы вызвалілі яго з турмы, ён здолеў выехаць за мяжу. За савецкім час сядзіба цалкам прыйшла ў заняпад. Толькі ў наш час пачалі казаць пра аднаўленне помніка.

Паламаныя дрэвы ў цэнтры мястэчка каля царквы Святога Дзмітрыя Салунскага ў Шчорсах. Фота з сацсетак
Моцным ветрам пазрывала бляху з даху царквы Святога Дзмітрыя Салунскага ў Шчорсах. Фота з сацсетак

Была створаная арганізацыя «Фонд Шчорсы і Храптовічы», якая, між іншым, праводзіла валанцёрскія летнікі і спрабавала прыцягнуць фінансаванне на аднаўленне сядзібы з праграм трансгранічнага супрацоўніцтва Еўрасаюза. Арганізацыя была ліквідавана рэжымам Лукашэнкі ў лістападзе 2021 года. Усе работы на тэрыторыі сядзібы ў Шчорсах спыніліся.

«Наша Нiва» — бастыён беларушчыны

ПАДТРЫМАЦЬ

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа3

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа

Усе навіны →
Усе навіны

Мінчанка расказала, дзе пазнаёміцца з перспектыўнымі хлопцамі ў сталіцы14

Ціханоўскі насмажыў катлет на фестывалі «Тутака»42

Наколькі дакладна можна прадказаць надвор'е на месяц? І чаму дагэтуль не папярэджваюць пра тарнада за дзень?5

З'явіцца новая дзяржава — Новая Каледонія3

Заробак 73 рублі? На заводзе патлумачылі, адкуль у іх такія вакансіі

Француз пераехаў з Ніцы ў Мінск і адкрыў пякарню12

У Мінску купілі дом за 3 мільёны даляраў. Ён у тым раёне, дзе жыве Эйсмант1

Ці можна будаваць Беларусь па-за межамі Беларусі? Дыскутавалі Ягораў, Гарбацкі, Югася Каляда11

Крамы і пастаўшчыкоў будуць штрафаваць за адсутнасць гародніны1

больш чытаных навін
больш лайканых навін

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа3

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа

Галоўнае
Усе навіны →

Заўвага:

 

 

 

 

Закрыць Паведаміць