13 ліпеня па Гродзенскай вобласці прайшоў навальнічны фронт. Моцны вецер нарабіў бяды і на тэрыторыі парку ў Шчорсах.
![](http://nashaniva.com/img/w840d4webp1/photos/z_2024_07/2024-07-18124256-mysu2.png.webp)
Як паведамляюць відавочцы, ураган знішчыў каля траціны старых ліп у парку пры былой сядзібе Храптовічаў, помніку архітэктуры і садова-паркавага мастацтва другой паловы XVIII — пачатку XIX стагоддзя.
«Гэта жах: з камлём і каранямі проста валіла 20-25-метровыя ліпы і адначасна ламала іх. А невялікія дрэвы вышынёй 6-10 метраў проста ў мачалку галінкі кудлаціла», — піша відавочца ў сацсетках.
![](http://nashaniva.com/img/w732d4webp1/photos/z_2024_07/2024-07-18124226-qf2j9.png.webp)
У XIX стагоддзі сядзіба Храптовічаў была важным культурным цэнтрам. Тут бывалі Адам Міцкевіч, Уладзіслаў Сыракомля, Ян Чачот. Апошні некаторы час працаваў бібліятэкарам у знакамітай бібліятэцы пры сядзібе.
У Першую сусветную вайну палац Храптовічаў пацярпеў ад ваенных дзеянняў і пазней быў разабраны, мясцовую бібліятэку вывезлі і перадалі пазней Кіеўскаму ўніверсітэту. Пытанне аб вяртанні бібліятэкі ў Беларусь неўрэгулявана дагэтуль.
![](http://nashaniva.com/img/w732d4webp1/photos/z_2024_07/2024-07-18124113-zf57t.png.webp)
![](http://nashaniva.com/img/w732d4webp1/photos/z_2024_07/2024-07-18124204-7ghxj.png.webp)
Апошняга ўласніка маёнтка, прадстаўніка рускага роду Буцянёвых, якія ў спадчыну па кудзелі (то-бок па жаночай лініі) атрымалі права менавацца графамі Храптовічамі, арыштавалі ў верасні 1939 года савецкія войскі.
У час вайны немцы вызвалілі яго з турмы, ён здолеў выехаць за мяжу. За савецкім час сядзіба цалкам прыйшла ў заняпад. Толькі ў наш час пачалі казаць пра аднаўленне помніка.
![](http://nashaniva.com/img/w732d4webp1/photos/z_2024_07/2024-07-18123840-sc3k1.png.webp)
![](http://nashaniva.com/img/w732d4webp1/photos/z_2024_07/2024-07-18123824-23ksy.png.webp)
Была створаная арганізацыя «Фонд Шчорсы і Храптовічы», якая, між іншым, праводзіла валанцёрскія летнікі і спрабавала прыцягнуць фінансаванне на аднаўленне сядзібы з праграм трансгранічнага супрацоўніцтва Еўрасаюза. Арганізацыя была ліквідавана рэжымам Лукашэнкі ў лістападзе 2021 года. Усе работы на тэрыторыі сядзібы ў Шчорсах спыніліся.
«Наша Нiва» — бастыён беларушчыны
ПАДТРЫМАЦЬМінск сёння амаль цалкам пайшоў пад ваду ФОТЫ
«Рыхтуюцца да вайны, а генератары не ў стане купіць». Што расказваюць пра сітуацыю ў Мазыры мясцовыя жыхары
«Сядзелі без інтэрнэту і разгадвалі сканворды». Жыхары Гомельшчыны расказалі, як перажылі наступствы стыхіі
У Белавежскай пушчы маланка разарвала 200-гадовы дуб ВІДЭА
Каментары