Шукаюць двух мужчын, якія заблукалі ў лесе ў розных канцах Беларусі
У суботу ў лясах Беларусі згубіліся двое мужчын — аднаго шукаюць у Гомельскім раёне, другога — ў Бешанковіцкім. Да надыходу цемры знайсці іх не атрымалася, пошукі працягваюцца ў нядзелю.
Першы выпадак адбыўся каля пасёлка Халмы пад Гомелем. У 17:50 у МНС паступіла паведамленне, што 73-гадовы мужчына знік у лесе. Да ягоных пошукаў прыцягнулі 30 чалавек і 9 адзінак тэхнікі, у тым ліку супрацоўнікаў МНС. На той момант знайсці яго не ўдалося, пошукі працягнулі ў нядзелю.
Другі мужчына згубіўся каля вёскі Карабова Бешанковіцкага раёна. Яго шукаюць 17 чалавек і 6 адзінак тэхнікі, сярод якіх — 8 ратавальнікаў з МНС. Але і яго пакуль што не знайшлі.
МНС чарговы раз нагадвае: калі ідзяце ў лес, трэба апранацца ў яркае адзенне, браць з сабой ваду, ежу, аптэчку і зараджаны тэлефон. Абавязкова паведамляйце сваякам, куды ідзяце і калі плануеце вярнуцца. Калі ж згубіліся — не панікуйце, заставайцеся на месцы і тэлефануйце на нумар 101.
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда11
Каментары