Эканоміка

Прыбытак КамАЗа абваліўся ў 20 разоў

Імпарт грузавікоў з Кітая паклаў на лапаткі не толькі МАЗ, але і расійскіх вытворцаў. Але цяпер Масква не можа абмежаваць доступ да рынку з палітычных прычын.

КамАЗ Kamaz
Фота: Wikimedia Commons

Як піша The Moscow Times, галоўны расійскі вытворца грузавікоў — КамАЗ за першае паўгоддзе 2024-га года рэзка скараціў чысты прыбытак.

Згодна са справаздачнасцю, ён абваліўся ў 20 разоў. У той жа час выручка знізілася толькі на 14,9%, продажы — на 30%.

Такія вынікі працы кіраўніцтва канцэрна тлумачыць высокімі паказчыкамі мінулага года, які стаў рэкордным па продажах, а таксама эфектам росту кошту фінансавання з-за павышэння стаўкі Цэнтральнага банка.

Спецыялісты, з якімі размаўлялі журналісты, асноўнай прычынай зніжэння паставак тэхнікі на рынак бачаць высокія аб'ёмы дзяржзаказу ва ўмовах вайны. Адпаведна статыстыцы, доля КамАЗа на айчынным рынку скарацілася з 36% у 2022-м да 20% у 2023-м.

У такіх умовах месца канцэрна на рынку займаюць кітайскія кампаніі. У мінулым годзе ўпершыню ў лідары продажаў замест КамАЗа выйшаў кітайскі Sitrak С7Н. Камерцыйныя кліенты аддаюць яму перавагу з-за істотна ніжэйшай цаны. Акрамя гэтага, Sitrak С7Н лягчэйшы ў кіраванні проці КамАЗа.

Але, як расказалі спецыялісты, сёлета на попыт на кітайскі грузавік негатыўны эфект аказваюць праблемы з запаснымі часткамі, якія даводзіцца замаўляць наўпрост з Кітая.

Заўважым, што вялікі беларускі вытворца грузавікоў — завод МАЗ — пераставаў публікаваць сваю справаздачнасць пачынаючы з 2022 года. Аднак вядома, што яго доля на расійскім рынку знізілася — таксама на карысць кітайцаў.

Масква можа быць і не радая выцясненню сваіх грузавікоў, але яна на гэтым этапе не можа абмежаваць доступ кітайцаў да рынку з палітычных прычын, бо патрабуе кітайскіх паставак для іншых сегментаў эканомікі ў сітуацыі заходніх санкцый і крытычных патрэб ВПК для вядзення вайны з Украінай.

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць