Пад Бялынічамі пажылая пара згубілася ў лесе. Яны патэлефанавалі сыну-ратавальніку, які быў на дзяжурстве
31 ліпеня з раніцы двое пенсіянераў адправіліся ў лес у раёне вёскі Заазер'е збіраць буякі.
Пасля абеду мужчына і жанчына сталі шукаць дарогу назад і зразумелі, што самастойна выйсці не могуць. На шчасце, мабільная сувязь у тым месцы была, і яны патэлефанавалі сыну-работніку МНС, які ў той дзень знаходзіўся на дзяжурстве, паведамляе прэс-служба МНС.
— Я паспрабаваў па тэлефоне дапамагчы ім выйсці з лесу, але беспаспяхова. Тады мы выехалі аддзяленнем на пошукі, — распавядае Мікалай Мельнікаў, начальнік пажарнага аварыйна-выратавальнага паста вёскі Стараселле. — Кіроўца застаўся ў аўтамабілі і перыядычна ўключаў сірэну, а я ўзяў выратавальную камізэльку, бо мясцовасць багністая, і свісток і адправіўся ім насустрач. Калі лавіў мабільную сувязь, тэлефанаваў бацькам і пытаўся, ці чуюць яны сігналы машыны.
Прыкладна праз гадзіну пошукаў Мікалай знайшоў бацькоў:
— Яны былі стомленымі, але не напалоханымі: былі ўпэўненыя, што я ім дапамагу.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары