Памятаеце, Качанава паабяцала забараніць вэйпы? Цяпер яна тлумачыць, чаму ўсё стала
Аказалася, старшыня Савета Рэспублікі Нацыянальнага сходу Беларусі Наталля Качанава чакае ад кардыёлагаў прапаноў.
Ініцыятыва распрацаваць праект закона аб абароце электронных цыгарэт і курыльных вадкасцей належыць верхняй палаце беларускага парламента. Але справа пакуль не рухаецца.
Цяпер Качанава запрасіла беларускіх кардыёлагаў узяць удзел у распрацоўцы праекта закона аб абароце электронных цыгарэт.
«Мы [Савет Рэспублікі] выйшлі з такой заканадаўчай ініцыятывай. Можа быць, вы нам падкажаце, якія нормы ўнесці ў закон. Паводле інфармацыі дактароў, курыльныя сумесі, электронныя цыгарэты ўплываюць на стан здароўя, як звычайная цыгарэта, а можа, і горш», — звярнулася Качанава да медыкаў.
Аб тым, што ў краіне распачата распрацоўка праекта закона аб абароце вэйпаў, раней паведамляў член Савета Рэспублікі, галоўны ўрач Мінскага гарадскога клінічнага анкацэнтра Віктар Кандратовіч.
Паводле яго слоў, вэйпы могуць выклікаць сардэчна-сасудзістыя, анкалагічныя захворванні, паколькі многія «электронкі» запраўляюцца вадкасцю з нікатынам. Акрамя таго, вадкасці для вэйпаў утрымоўваюць шмат фармальдэгідаў.
Якія яшчэ парады дактароў чакае Качанава, невядома.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары