У верасні гэтага году раман «Марсіянін» сучаснага амерыканскага пісьменніка Эндзі Уіра выйдзе ў перакладазе на беларускую мову і адразу ў трох фарматах: папяровым, электронным і ў якасці аўдыякнігі, паведамляе Асацыяцыя беларусаў у Амерыцы на сваёй старонцы ў фэйсбуку.
«Верасень — час ня толькі капаць бульбу, але і чытаць, як нехта вырошчвае бульбу… на Марсе!
Сябры, мы радыя вам паведаміць, што ўжо зусім хутка, у верасні, «Марсіянін» Эндзі Уіра выйдзе па-беларуску…», — напісала АБА.
Пераклад і выданне гэтага бэстселера сусветнай фантастыкі сталі магчымымі дзякуючы супрацы Асацыяцыі беларусаў у Амэрыцы (АБА), выдавецтва Gutenberg Publisher і праекта «Audiobooks.by Беларускія аўдыякнігі»
Інфармацыя пра дату выхаду, а таксама як набыць кнігу ў любым зручным для вас фармаце, з’явіцца неўзабаве.
Каментары