Міністэрства ўнутраных спраў Вялікабрытаніі заявіла, што ў адпаведнасці з новымі планамі ўрада будзе разглядаць крайнюю нянавісць да жанчын як форму экстрэмізму.
![](http://nashaniva.com/img/w840d4webp1/photos/stock/bigben-u96ja.jpg.webp)
Міністр унутраных спраў Івет Купер распарадзілася перагледзець стратэгію барацьбы з экстрэмізмам у Вялікабрытаніі, каб вызначыць, як лепш змагацца з пагрозамі, якія зыходзяць ад небяспечных ідэалогій, піша Бі-бі-сі.
На думку ўрада, нянавісць да жанчын — адна з ідэалагічных тэндэнцый, якія набіраюць папулярнасць. Па словах Купер, рост экстрэмізму назіраецца «як у інтэрнэце, так і на вуліцах» і ён «разбурае саму тканку нашых супольнасцяў і нашай дэмакратыі».
Мяркуецца вывучыць рост ісламісцкага і ўльтраправага экстрэмізму ў Вялікабрытаніі, а таксама больш шырокія ідэалагічныя тэндэнцыі, уключаючы мізагінію або «перакананні, якія ўкладваюцца ў больш шырокія катэгорыі, такія як фіксацыя на гвалце», сказала Купер.
Таксама будуць вывучаны прычыны радыкалізацыі моладзі і яе паводзіны. Стратэгія будзе «адсочваць экстрэмісцкія тэндэнцыі», каб распрацаваць спосабы спынення і адцягнення людзей ад іх, працягнула міністр.
Паводле яе слоў, новая стратэгія таксама выявіць прабелы ў існуючай палітыцы, якія неабходна ліквідаваць, каб спыніць дзейнасць тых, хто прасоўвае шкодныя і ненавісніцкія перакананні і гвалт».
Купер лічыць, што ў апошнія гады барацьба з экстрэмізмам стала вельмі выхалашчанай.
Каментары