У снежні Беларусь і Расія збіраюцца падпісаць дамову аб гарантыях бяспекі
2 верасня міністр замежных спраў Беларусі Максім Рыжанкоў у сваёй лекцыі падчас урачыстага мерапрыемства ў Палацы Рэспублікі, прысвечанага пачатку навучальнага года ў Акадэміі кіравання, паведаміў пра намер праз некалькі месяцаў падпісаць з Расіяй новую важную міждзяржаўную дамову.
Рыжанкоў звярнуў увагу на дасягнуты ў апошнія гады рэкордны ўзровень і выніковасць кантактаў з Расійскай Федэрацыяй. Паводле яго, «актуалізуецца і выконваецца праграма ўзгодненых дзеянняў у галіне знешняй палітыкі», а таксама «ўражлівыя лічбы дасягнутыя ў тавараабароце і экспарце».
Урэшце міністр анансаваў:
«Да 25-годдзя падпісання Дамовы аб Саюзнай дзяржаве, якую будзем святкаваць у снежні гэтага года, мы плануем падпісаць з Расіяй міждзяржаўную дамову аб гарантыях бяспекі дзвюх краін, дзе будзе закладзены прынцып выкарыстання ядзернага ўзбраення і звычайнага ўзбраення, а таксама іншых метадаў абароны абедзвюх краін, якія ўваходзяць у склад Саюзнай дзяржавы».
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў7
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары