Грамадства66

Літоўскі блогер наведаў Мінск — і вось які раён назваў найлепшым

Блогер-пачатковец Memellander з Клайпеды цэлы тыдзень правёў у Беларусі. Днямі на яго канале выйшаў ролік, дзе ён расказаў пра два кантрастныя раёны Мінска — самы горшы і самы прэстыжны. Выбар раёнаў выклікаў шквал каментароў пад ролікам.

Фота: скрыншот з відэа на канале Memellander

Званне найгоршага раёна беларускай сталіцы атрымала Чыжоўка. Але, як кажа сам аўтар відэа, гэта не ён сам прыдумаў, а такі адказ выдаў яму Гугл.

Пошукавая сістэма прывяла яго на артыкул ад 2019 года, апублікаваны на сайце banana.by.

«Чыжоўка, як і сам Заводскі раён, лічыцца цэнтрам крымінальных элементаў. Гэтым раёнам у Мінску дзяцей палохаюць. Многія лічаць, што тут жывуць толькі тыя, хто схільны да празмернага спажывання алкаголю і злачынных дзеянняў. Часцей за ўсё ў гэтай частцы сталіцы рэгіструюць крадзяжы, рабаванні і хуліганствы», — гаворыцца ў артыкуле, на які спасылаецца госць з Літвы.

Фота: скрыншот з відэа на канале Memellander

Пасля 20-хвіліннага шпацыру па «самым горшым» раёне Мінска блогер накіраваўся ў «самы лепшы». Ім нечакана аказаўся «Мінск-Свет». 

«Так, мы прыехалі ў дарагі раён Мінска», — казаў блогер, пакуль здымаў «Мінск-Свет» з салона машыны. 

Дзе ён адшукаў інфармацыю пра элітарнасць гэтага раёна, застаецца загадкай.

Фота: скрыншот з відэа на канале Memellander

«Пагуляем, паглядзім, як выглядаюць прэстыжныя раёны Мінска», — з такіх слоў пачаўся шпацыр па дварах мікрараёна.

Амаль на першых кроках блогер адзначыў, што аўтамабілі на паркоўках стаяць простыя. 

Калі ў Чыжоўцы блогер казаў пра тое, што людзей у дварах мала і асноўны кантынгент, якія яму сустракаўся, — бабулі на лаўках, то ў «Мінск-Свет» было шмат маладых сем'яў і дзяцей.

Літоўскі падарожнік звярнуў увагу і на тое, як адрозніваюцца дзіцячыя пляцоўкі. Калі ў Чыжоўцы гэта былі пляцоўкі савецкага ўзору, то ў «Мінск-Свет» — больш сучасныя, падобныя да тых, што можна ўбачыць у Літве. 

Таксама ён звярнуў увагу на адсутнасць дрэў і іншай зеляніны ў раёне.

Фота: скрыншот з відэа на канале Memellander

Каментатары не пагадзіліся з такой ацэнкай раёнаў

Праз даволі спрэчную ацэнку раёнаў беларускай сталіцы пад відэа назбіралася шмат каментарыяў ад беларусаў, якія не пагадзіліся з меркаваннем літоўца. Вось некаторыя з іх.

«Самае страшнае, што можа адбыцца з чужынцам у Чыжоўцы — гэта каштан, які ўпаў на галаву», — гучыць самы папулярны каментар пад відэа.

«Што за бздура? Гугл выдаў суцэльную лухту. Усё хлусня», «Чыжоўка — не найгоршы раён Мінска, а «Мінск-Свет» далёка не найлепшы», — пішуць іншыя.

Многія адзначылі ў каментарах, што інфармацыя пра Чыжоўку калі і была актуальная, то толькі для 1980-1990-х гадоў.

Да ацэнкі «Мінск-Свет» таксама шмат пытанняў:

«Зусім не найлепшы раён. Раён для моладзі з адносна даступным жыллём. Дамы велізарныя і нязручныя».

«Не ведаю, як цяпер, але ў «Мінск-Свет» раней прадавалі самыя танныя кватэры», — адзначаюць іншыя.

Адзін з карыстальнікаў напісаў, што дарма аўтар даверыўся Гугл. 

Таксама знайшоўся каментатар, які параіў ацэньваць аўтамабілі ў Беларусі з улікам іх цаны, а не толькі знешнасці:

«Вы калі на машыны глядзіце і кажаце «звычайныя», то трымаеце ў галаве, што ў нас загараджальныя пошліны на аўто і гэтыя машыны нам каштуюць на парадак даражэй, чым вам». 

Фота: скрыншот з відэа на канале Memellander

На што блогер з Літвы адказаў, што разумее пра цэны, але глядзіць на іх вачыма жыхара Літвы. 

«Вачыма жыхара Літвы гэтыя машыны даволі такі старыя. І гэта незвычайна», — адказаў літовец.

Сярод іншага каментатары адзначаюць, што блогер блытае ўваходы ў метро з падземнымі пераходамі (магчыма, гэта таму, што ў Літве метро няма).

«У самым пачатку роліка — мікрараён Серабранка. І проста падземны пераход, гэта яшчэ не метро. Каля метро заўсёды можна ўбачыць чырвоную літару «М», — звяртае ўвагу адзін з каментатараў.

Каментары6

  • Быўшая бабарыканка
    26.09.2024
    А я наведала ВільнюС і хачу сказаць, што такой занядбанасці, засмечанасці і безкультурнасці нідзе ў Менску няма і блізка.
    Вільня ўжо не наша.
  • late
    26.09.2024
    В Литве все районы как минская чижовка, даже хуже.
  • Войтэк
    27.09.2024
    Гы... на фотцы "самага элiтарнага раёна Менска" савецкая "жыга" стаiць на паркоуцы....

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Стала вядома, як будзе выглядаць выпраўленая скульптура беларускай жанчыны ў Быхаве19

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай91

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць