Скульптуру паставілі ў Цэнтральным парку.
У Бешанковічах у цэнтральным гарадскім парку адкрылі скульптуру «Закаханыя», піша БелТА.
Калісьці ў парку была танцпляцоўка, і многія пакаленні праводзілі ў цені дрэў свабодныя вечары і выходныя. Зараз новай славутасцю стала скульптура «Закаханыя».
Пара сядзіць у сямейнай лодцы, пад якой уздымаюцца хвалі, якія сімвалізуюць розныя выпрабаванні. На галаве жанчыны вянок — як шлюбны вянок, яна апранутая ў сукенку, а мужчына — у лёгкі касцюм. Яны абодва босыя, і гэтая дэталь быццам кажа, што можна стаптаць шмат чаравікаў, перш чым знойдзеш сваю палову, а калі адшукаеш, то ўжо не заўважаеш такой дробязі, як туфлі. Закаханыя трымаюцца за рукі
У цырымоніі адкрыцця скульптуры ўдзельнічалі Леанід і Наталля Жук, якія пражылі разам 50 гадоў — у жніўні яны адзначылі паўстагоддзя шчаслівага шлюбу. У сям'і з Бешанковічаў трое сыноў і пяць унукаў. Яны заклалі традыцыю — дакранацца да рук закаханых, застылых у метале.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары