Еўрапарламент запросіць у Еўранест 10 назіральнікаў ад беларускай апазіцыі і грамадзянскай супольнасці. Гэту навіну распаўсюдзіла выданне Europolitics.info. Афіцыйнага паведамлення пра гэта на сайце Еўрапарламенту пакуль няма.
Эўрапарлямэнт запросіць у Эўранэст 10 назіральнікаў ад беларускай апазыцыі і грамадзянскай супольнасьці. Гэту навіну распаўсюдзіла ўвечары брусэльскае выданьне Europolitics.info. Афіцыйнага паведамленьня пра гэта на сайце Эўрапарлямэнту пакуль няма.
Як вынікае з паведамленьня, «пасьля доўгіх месяцаў абмеркаваньняў Эўрапейскі парлямэнт ухваліў правілы, якія рэгулююць парлямэнцкую структуру «Усходняга партнэрства» — Эўранэст. На пачатку плянавалася, што ў Эўранэст увойдуць 60 дэпутатаў ад Эўрапарлямэнту і 60 дэпутатаў ад краін‑партнэраў, то бок па 10 прадстаўнікоў ад кожнай краіны.
Аднак некалькі тыдняў таму дакладчык ЭЗ па Беларусі Яцэк Пратасевіч агучыў, што Эўрапарлямэнт не прызнае легітымнасьці беларускага нацыянальнага сходу, што эўрапейскія дэпутаты незадаволеныя ўзроўнем дэмакратыі ў Беларусі, а таму ад гэтай краіны ў Парлямэнцкай асамблеі «Усходняга партнэрства» павінны абавязкова ўдзельнічаць прадстаўнікі беларускай апазыцыі. У адпаведнасьці з пазыцыяй ЭЗ, зь дзесяці належных Беларусі месцаў пяць мусілі заняць прадстаўнікі беларускага парлямэнту і пяць — прадстаўнікі дэмакратычных сілаў.
Як падае выданьне Europolitics.info, рашэньне Эўрарлямэнту па Беларусі наступнае:» усе 10 месцаў у Парлямэнцкай асамблеі «Партнэрства« будуць належаць прадстаўнікам беларускай дэмакратычнай апазыцыі і грамадзянскай супольнасьці». Нагадаем, што такая прапанова ў апошнія тыдні лабіравалася польскімі парлямэнтарамі ў сувязі з сытуацыяй вакол СПБ.
Паводле ананімнай крыніцы Europolitics.info. «выдаткі на ўдзел беларускай дэлегацыі адрозна ад удзельнікаў зь іншых пяці краінаў будуць пакрывацца за кошт Эўрапарлямэнту».
Таксама паведамляецца, што ў выпадку дэмакратычных зьменаў у Беларусі,
Эўранэст адчыніць свае дзьверы для прадстаўнікоў дэмакратычна абранага нацыянальнага парлямэнту.
Працоўнымі мовамі пасяджэньняў Эўранэсту стануць ангельская, нямецкая і француская.
Як распавяла Europolitics.info крыніца ў Эўрапарлямэнце, пакуль яшчэ невядома, хто дакладна зь пяці прадстаўнікоў беларускай апазыцыі і пяці прадстаўнікоў грамадзянскай супольнасьці возьме ўдзел у першым паседжаньні ПА «Усходняга партнэрства» 24 сакавіка ў Брусэлі.
Мяркуецца, што ўдзельнікі Эўранэсту ад Беларусі ў якасьці выключэньня будуць абраныя самім Эўрапейскім парлямэнтам паводле рэкамэндацыі адмысловай місіі, якая наведае Менск 26‑26 лютага. Тыя ж польскія эўрадэпутаты выступаюць за тое, каб адно зь месцаў ад грамадзянскай супольнасьці належала Анжаліцы Борыс, старшыні Саюза палякаў у Беларусі.
Пару дзён таму прадстаўніцтвам ЭЗ ва Ўкраіне і Беларусі была распаўсюджаная інфармацыя адносна прыбыцьця ў Менск на наступным тыдні дэлегацыі Эўрапарлямэнту з мэтай выпрацоўкі пазыцыі па ўдзелу Беларусі ў ПА «Усходняга партнэрства» «Эўранэст»
Цяпер чытаюць
Зяленскі назваў, якія рэтранслятары на мяжы і беларускія прадпрыемствы хвалююць Украіну36
Каментары