Грамадства22

У Мінску суд прайшоў на сцэне

Што праўда, гэта была непалітычная справа і не справа, звязаная з ваенкаматам.

Пад старшынствам суддзі Першамайскага раёна Максіма Трусевіча адбылося выязное пасяджэнне — разгледжана крымінальная справа ў дачыненні 36-гадовага мінчука, якога абвінавачвалі ў атрыманні хабару. Выязное пасяджэнне прайшло на сцэне раённай адміністрацыі, паведамляюць «Мінск-Навіны».

На пасяджэнне былі запрошаны прадстаўнікі дзяржаўных арганізацый Першамайскага раёна. Абвінавачаны сядзеў у першым шэрагу.

Па версіі следства, мінчук з лютага 2012 года працаваў на кіруючай пасадзе на адным з камунальных прадпрыемстваў сталіцы і быў службовай асобай, якая выконвала арганізацыйна-распарадчыя і адміністрацыйна-гаспадарчыя абавязкі. Яму было вядома, што паміж яго арганізацыяй і адным з таварыстваў з абмежаванай адказнасцю была заключана дамова будаўнічага падраду, паводле якога прадстаўнікі ТАА выконвалі работы на іх аб’ектах.

Аднойчы ў жніўні 2023 года абвінавачаны дамовіўся з дырэктарам ТАА аб атрыманні ад яго хабару за тое, што будзе своечасова і бесперашкодна візаваць акты здачы-прыёмкі выкананых будаўнічых і мантажных работ на аб’ектах без належнай праверкі аб’ёмаў і якасці іх выканання, садзейнічаючы тым самым своечасовасці разлікаў.

З канца жніўня па кастрычнік 2023 года ён завізаваў тры такія акты, якія ўтрымлівалі недакладныя (завышаныя) звесткі пра аб'ёмы і кошт выкананых работ, за што ў сваім кабінеце атрымаў ад дырэктара ТАА хабар 2 000 рублёў, сцвярджае следства.

На судовым пасяджэнні мужчына прызнаў віну, раскаяўся ў зробленым, пацвердзіў, што, падпісваючы дакументы, ведаў, што не ўвесь пералік паказаных работ выкананы ў поўным аб'ёме. Даход, атрыманы злачынным шляхам, ён цалкам добраахвотна пералічыў у даход дзяржавы.

— Абвінавачаны афіцыйна працаўладкаваны, раней да крымінальнай адказнасці не прыцягваўся, — пракаментавала старшая памочніца пракурора Першамайскага раёна Іна Зубко, якая выступала па крымінальнай справе дзяржаўным абвінаваўцам.

У выніку суд пакараў яго двума з паловай гадамі хатняй хіміі і штрафам 500 базавых велічынь (20 000 рублёў), з пазбаўленнем права займаць пасады, звязаныя з выкананнем адміністрацыйна-гаспадарчых і арганізацыйна-распарадчых абавязкаў, на пяць гадоў.

Аднак суд прымяніў амністыю, на падставе чаго вызваліў яго ад пакарання часткова тэрмінам на год.

Каментары2

  • Alex
    31.10.2024
    Так слово "Суд" нужно было написать в кавычках. Во-первых, потому что это спектакль (низкопробный) в чистом виде. Во-вторых, потому что в главной роли был известный деятель Максим "судья" Трусевич, известный своими многочисленными постановками на политическую тему.
  • Абармот
    31.10.2024
    Следующее пусть проводят на арене цирка. Будет и театр абсурда, и цирк на дроте - все про белорусский суд!
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

З Oz.by неспакойна. Беларуская кампанія тры гады ў мінусе, а расійскі канкурэнт яе выціскае8

З Oz.by неспакойна. Беларуская кампанія тры гады ў мінусе, а расійскі канкурэнт яе выціскае

Усе навіны →
Усе навіны

Трамп плануе вывесці ЗША з ЮНЕСКА3

Жанчына ў кафэ ў Грузіі сыграла для наведвальнікаў «Завіруху» ВІДЭА2

У Мінску пабудуюць мост, які злучыць Каменную горку і Ціміразева

«Прынялі рашэнне пакінуць». Айцішнікі жывуць за мяжой, а іх дзеці — у Беларусі5

«Хай спяць пад кустамі!» У Барысаве патрабуюць зрабіць штосьці з бяздомнымі на вакзале11

Расійскія ДРГ праніклі ў Пакроўск5

«Чакаю афіцыйных прабачэнняў». У беларускі згарэў адпачынак у Пакістане з‑за памылкі ў візе3

У Калінкавічах закрылі радзільнае аддзяленне — каб нарадзіць, трэба ехаць у іншы раён11

Прэзентацыю для Пуціна раздрукавалі гіганцкім шрыфтам ФОТА12

больш чытаных навін
больш лайканых навін

З Oz.by неспакойна. Беларуская кампанія тры гады ў мінусе, а расійскі канкурэнт яе выціскае8

З Oz.by неспакойна. Беларуская кампанія тры гады ў мінусе, а расійскі канкурэнт яе выціскае

Галоўнае
Усе навіны →

Заўвага:

 

 

 

 

Закрыць Паведаміць