Нацыянальны аэрапорт Мінск назваў найбольш папулярныя кірункі палётаў
Авіярэйсы з і ў Нацыянальны аэрапорт Мінск выконваюць 10 авіяперавозчыкаў.
Намеснік генеральнага дырэктара па авіяцыйнай бяспецы і рэжыму Вадзім Праўлоцкі на прэс-канферэнцыі, прысвечанай Дню работнікаў грамадзянскай авіяцыі, распавёў пра найбольш папулярных напрамках палётаў з і ў сталіцу, піша БелТА.
Па словах Вадзіма Праўлоцкага, авіярэйсы з і ў Нацыянальны аэрапорт Мінск выконваюць 10 авіяперавозчыкаў. У іх ліку базавая авіякампанія «Белавія», на якую прыпадае 64,3% усіх рэйсаў, шэсць расійскіх кампаній («Победа», «Аэрафлот», «Азімут», «Ікар», Red Wings, «Северсталь»), авіякампаніі з Узбекістана, Кітая і ААЭ.
«Усяго за дзевяць месяцаў авіяперавозчыкамі выканана рэйсаў на 12,5% больш, чым за аналагічны перыяд 2023 года. Па выніках года плануем абслужыць каля 2,8 млн пасажыраў», — распавёў Вадзім Праўлоцкі.
У ліку найбольш папулярных кірункаў — Масква, Санкт-Пецярбург, Дубай, Стамбул і Тбілісі.
Найбольшая сярэдняя загрузка адзначаецца на рэйсах авіякампаніі «Победа» з Масквы і Санкт-Пецярбурга, «Азімут» — з Мінеральных Вод, Red Wings — з Самары, «Белавія» — у Тбілісі і Стамбул.
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі23
Каментары