У Кіраўскім раёне хлопец з пнеўматычнага пісталета трапіў у вока 15-гадовай дзяўчыне
Інцыдэнт адбыўся ўвечары 30 кастрычніка.
Першакурсніцы каледжа вярталіся з заняткаў у інтэрнат. У гэты ж час непадалёк ад іх размаўлялі паміж сабой трое хлопцаў. Старэйшы з кампаніі маладых людзей вырашыў звярнуць на сябе ўвагу дзяўчат і стаў выхваляцца пісталетам, які напярэдадні ў яго дома пакінуў прыяцель, паведамляе СК.
Ён зрабіў некалькі стрэлаў у напрамку дзяўчат, на што адна з іх рэзка адрэагавала, паміж імі завязалася слоўная сварка.
Адышоўшы далей ад хлопцаў, яны прыселі на прыступкі ганка, аднак малады чалавек не сунімаўся, а затым зноў стрэліў у іх бок некалькі разоў. У гэты момант адна з дзяўчат закрыла твар рукамі і закрычала.
З траўмай вока яна была шпіталізаваная.
Следчым праведзены агляд месца здарэння, апытаныя фігурант і відавочцы, канфіскаваны пісталет, прызначаны шэраг экспертных даследаванняў.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай19
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары