Кадастравае агенцтва паведаміла пра «гістарычную здзелку з нерухомасцю»
Як паведамляе прэс-служба Нацыянальнага кадастравага агенцтва, упершыню ў Беларусі здзелку куплі-продажу аформілі дыстанцыйна.
5 лютага 2026 года дамова быў адначасова засведчаная двума рэгістратарамі з розных арганізацый дзяржаўнай рэгістрацыі ў дыстанцыйным фармаце. Прадавец звярнуўся ў офіс у Віцебску — па месцы знаходжання нерухомасці, а пакупнік знаходзіўся ў Мінску.
Праз відэа– і аўдыясувязь у рэжыме рэальнага часу бакі здзелкі разам з рэгістратарамі правялі агульную анлайн-сесію: узгаднілі ўмовы дамовы, атрымалі тлумачэнні адносна сваіх правоў і абавязкаў, пасля чаго аформілі і падпісалі дакументы.
Усе паперы, у тым ліку дамова куплі-продажу, былі падпісаныя ў электронным выглядзе: удзельнікі здзелкі — з выкарыстаннем аналага ўласнаручнага подпісу на планшэце, а рэгістратары — з дапамогай электроннага лічбавага подпісу. У выніку была сфарміраваная адзіная засведчаная дамова, копіі якой абодва бакі адразу атрымалі на паперы.
Такая магчымасць з’явілася дзякуючы зменам у заканадаўстве, што пачалі дзейнічаць пасля 11 чэрвеня 2025 года. Цяпер удзельнікі здзелкі могуць самі выбіраць фармат яе засведчання, у тым ліку з удзелам некалькіх рэгістратараў, што асабліва зручна для людзей з розных рэгіёнаў краіны.
Чаму першая такая здзелка была заключаная толькі амаль праз 7 месяцаў пасля таго, як заканадаўства стала такое дазваляць, у паведамленні НКА не тлумачыцца.
«Я была як пад гіпнозам». Рэальныя гісторыі мінчукоў, якіх махляры прымусілі прадаць кватэры — адна сумная, другая амаль шчаслівая
«З мяне нічога не возьмеш, а людзі пацярпелі». Пара пенсіянераў другі год не можа выпісаць з мінскай кватэры шматдзетную сям'ю эмігрантаў
За невыкананне — штраф. Што павінны ведаць людзі, што купляюць жыллё ў гістарычнай частцы Мінска
Пабіўшы рэкорд, цэны на кватэры ў Мінску пачалі прасядаць. Колькі цяпер у сярэднім просяць за метр?
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты44
Каментары