Свет1414

Сэкс-скандал у Экватарыяльнай Гвінеі. Кіраўнік мясцовага ДФР пераспаў са сваячкамі амаль усіх топ-чыноўнікаў і запісваў гэта на відэа

Адной з жанчын на злітых відэа аказалася родная сястра нязменнага прэзідэнта краіны Тэадора Абіянга Нгема Мбасога — рэкардсмена па ўтрыманні ўлады ў сучасным свеце.

Генеральны дырэктар Нацыянальнага агенцтва фінансавых расследаванняў Экватарыяльнай Гвінеі Бальтасар Эбанг Энгонга. Фота: афіцыйны акаўнт чыноўніка ў твітары (X)

Генеральны дырэктар Нацыянальнага агенцтва фінансавых расследаванняў Экватарыяльнай Гвінеі Бальтасар Эбанг Энгонга стаў фігурантам гучнага сэкс-скандалу. У рамках антыкарупцыйнага расследавання праверылі яго камп'ютар і выявілі больш за 400 запісаў, як Энгонга займаецца сэксам са сваячкамі мясцовых чыноўнікаў, прадстаўнікоў бізнэс-эліт і дзяржслужбоўцаў усіх узроўняў, піша нігерыйская газета The Punch.

Газета адзначае, што 54-гадовы Бальтасар Эбанг, які мае жонку і шасцярых дзяцей, запісваў свае сэкс-відэа ў розных лакацыях: ад гатэляў да асабістага кабінета ў Міністэрстве фінансаў. Здымка вялася нібыта са згоды ўсіх сэкс-спадарожніц чыноўніка.

Гэтымі спадарожніцамі, паводле пракуратуры і СМІ, сярод іншых сталі: стрыечная сястра Эбанга, жонка ягонага малодшага брата, дачка кіраўніка МУС, жонка генеральнага пракурора, жонкі каля 20 розных міністраў краіны і нават родная сястра прэзідэнта Экватарыяльнай Гвінеі Тэадора Абіянга Нгема Мбасога — дыктатара і сябра Лукашэнкі, які займае першае месца ў свеце па ўтрыманні ўлады ў сучасным свеце (па запрашэнні Лукашэнкі Мбасога ў мінулым годзе наведваў Беларусь).

На гэты момант 82-гадовы Тэадора Абіянг Нгема Мбасога кіруе Экватарыяльнай Гвінеяй ужо 45 гадоў, і гэта рэкорд сярод сучасных лідараў краін свету, якія не з'яўляюцца, прынамсі фармальна, спадчыннымі манархамі.

Тэадора Абіянг Нгема Мбасога і Аляксандр Лукашэнка ў Экватарыяльнай Гвінеі. Фота: @teddynguema

Частка знойдзеных следчымі парнаролікаў з удзелам Бальтасара Эбанга днямі была афіцыйна абнародаваная пракуратурай, што ўзарвала мясцовую медыяпрастору. Відэа разышліся па сацсетках. У выніку ўлады Экватарыяльнай Гвінеі пашкадавалі пра сваё рашэнне раскрыць відэаматэрыялы па справе.

Віцэ-прэзідэнт краіны Тэадора Абіянг Нгема Манге (сын прэзідэнта Мбасога) нядаўна напісаў у сваім афіцыйным акаўнце ў твітары (X), што патрабуе неадкладна спыніць распаўсюд «парнаграфічных відэаролікаў, якія запоўнілі сацсеткі краіны».

Акрамя таго, Манге заявіў, што з гэтага часу ўсе чыноўнікі, якія мелі сэксуальныя адносіны ў кабінетах міністэрстваў краіны, страцяць свае пасады.

Сам Бальтасар Эбанг цяпер знаходзіцца за кратамі, але гэтая мера стрымання была накладзеная ўладамі толькі з-за карупцыйных злачынстваў чыноўніка. Калі будзе даказана, што ўсе спадарожніцы Эбанга давалі сваю згоду і на сэкс з ім, і на здымку самога працэсу, то чыноўніка наўрад ці прыцягнуць за гэта да крымінальнай адказнасці, нягледзячы на ўвесь рэзананс, адзначаюць мясцовыя медыя са спасылкай на пракуратуру краіны.

Каментары14

  • як хо-раша, што ёсць св... якая ну
    04.11.2024
    зусім не такая
  • Шпілі-Ўілі
    04.11.2024
    Дзякуй за свежыя навіны з Экватарыяльнай Гвінеі! Даўно не было.
  • Банщик 5 разрада, исторык и немного чыкчырык
    05.11.2024
    Эта вы ишчо не видели видэа с камер в бани из рэзиденцыи в Астрашыцким Гарадку

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць