Рэспубліканскі інстытут кантролю ведаў апублікаваў афіцыйны дакумент, у якім выкладаюцца змены, якія чакаюць беларускіх абітурыентаў падчас уступнай кампаніі, што будзе праводзіцца ў наступным годзе.
Апублікаваная спецыфікацыя для правядзення ЦТ і ЦЭ ў 2025 годзе зацвярджае структуру тэстаў, навучальныя тэмы, тыпы і ўзроўні складанасці заданняў, а таксама вызначаюць іх колькасць.
Напрыклад, з новых дакументаў вынікае, што падчас уступнай кампаніі 2025 года трохі зменяцца тэсты па рускай мове. На адно заданне стане менш у раздзеле «Лексіка» і на адно больш — у раздзеле «Тэкст. Стылі маўлення».
Акрамя таго, з'явіцца і новая дысцыпліна, якая яшчэ праходзіць абкатку ў асобных школах Беларусі. Гэта раздзел па прадмеце «Гісторыя Беларусі ў кантэксце сусветнай гісторыі». Яго цяпер пачалі вывучаць некаторыя школьнікі 11-х класаў.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі2
Каментары