У межах правядзення Міністэрствам унутраных спраў камандна-штабных вучэнняў Камітэт дзяржбяспекі ўвёў рэжым контртэрарыстычнай аперацыі на тэрыторыі Гродна і Гродзенскага раёна, паведамляе БелТА.
Фота з трэніроўкі разгону мітынгаў і дэманстрацый, што прайшла ў сераду ў Мінску. Фота: МУС
Адзначаецца, што прадугледжана задзейнічанне ваеннай і іншай спецыяльнай тэхнікі, узмоцнены кантроль і абмежаванне дарожнага руху ў зоне правядзення праверачных мерапрыемстваў.
Камандна-штабныя вучэнні праводзяцца ў Беларусі з 19 па 22 лістапада.
Як анансавала МУС, мерапрыемствы «закліканы паказаць гатоўнасць да аператыўнага рэагавання на магчымыя ўскладненні абстаноўкі ў краіне падчас электаральнай кампаніі».
Раней у Мінску адпрацоўваўся разгон мітынгаў і дэманстрацый, затрыманні на выбарчых участках.
Каментары