У расійскім Марксе «Ака» падрэзала джып. Кіроўца «Крузака» ў адказ расстраляў людзей у «Ацэ»
Стралка праз некаторы час затрымалі.
У Марксе Саратаўскай вобласці мужчына на джыпе Land Cruiser расстраляў двух чалавек і ўцёк.
Па даных расійскіх тэлеграм-каналаў, у стральбу выліўся канфлікт на дарозе. «Ака», у салоне якой знаходзіліся 33-гадовы Міхаіл Кутузаў і 48-гадовы Аляксей Сакалоўскі, падрэзала чорны «Крузак».
Пасля гэтага кіроўца джыпа дагнаў «Аку» і ўступіў у сварку з людзьмі ў машыне. Падчас спрэчкі чалавек у «Крузаку» раптам дастаў пісталет, расстраляў людзей у «Ацэ» і ўцёк.
Кутузаў загінуў на месцы, а яго таварыш Сакалоўскі шпіталізаваны з раненнем. Кіроўцу джыпа — паводле звестак Baza яго завуць Рубік Акапян — праз некалькі гадзін затрымалі.
Ён кінуў «Крузак» недалёка ад месца канфлікту і збег, але яго знайшлі ў адным з мясцовых двароў.
Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?16
Каментары
• КРУЗАК АКА РУКЗАК •
🚙 Расейцы «Лянд Крузару» далі мянушку «Крузак», але навошта столькі разоў паўтараць гэну мянушку ў «Арцікуле»? І прытым ні разу не назваць «Аку» «Табурэткай», хоць тыя самыя аматары аўтамабільнага сьленгу часьцяком яе так называюць.
🪡 І ці стылістычна правільна пісаць, што «Ака» падрэзала джып, калі першае марка, а другое тып кодаба (кузава)? Мяркую, такое ад нейкага нутранага халопства, якое часьцяком вылазіць шылам з гэтай пыльнай торбы. То бок імкненьне прынізіць маленькую аўту (якія, зацемлю, несарамліва папулярныя ў наш час) і на ейным тле ўзьвялічыць о вялікі Джып.
🎒 Толькі сама «ЛК Саха́ра», што вязла застрэльшчыка, ніяк ня ўзьвялічыцца — праз масавасьць і яўную маральную састарэласьць яна выглядае досыць замыліна й непрыстыжна. Як не хавай ты гэту шпільку праўды ў рукзаку жаданьняў.
.
Кали страляў Акапян у Кутузава?