У Камянецкім раёне ратавальнікі знайшлі мужчыну, які прапаў тры дні таму
Раніцай 28 лістапада ў дзяжурную службу МНС паведамілі пра знікненне паблізу хутара Грэмяча 69-гадовага мужчыны.
Высветлілася, што мужчына знік яшчэ 26 лістапада. Вяскоўка не знайшла брата дома і забіла трывогу.
Жанчына шукала самастойна, а калі праз двое сутак ён так і не з'явіўся, звярнулася да ратавальнікаў.
Пачалася пошукавая аперацыя, у якой задзейнічалі сем адзінак тэхнікі і 22 чалавекі, у тым ліку пяць адзінак тэхнікі МНС і 16 ратавальнікаў.
Пенсіянера знайшлі ў полі, знясілены ён проста ляжаў на зямлі. Пацярпелага вывезлі на дарогу і перадалі медыкам хуткай медыцынскай дапамогі.
Мужчына шпіталізаваны ў бальніцу з агульным пераахаладжэннем арганізма.
Каментары