Гэта зроблена ў сувязі з «агрэсіўнымі дзеяннямі КДБ» у дачыненні да польскіх дыпламатаў.
Міністэрства замежных спраў Польшчы 18 снежня выклікала часовага паверанага ў справах Беларусі Аляксея Панкраценку, піша Reform.news.
Як вынікае з сённяшняга паведамлення замежнапалітычнага ведамства, прадстаўнік Беларусі быў выкліканы «ў сувязі з агрэсіўнымі дзеяннямі беларускага КДБ у дачыненні да дыпламатаў Рэспублікі Польшча на тэрыторыі Рэспублікі Беларусь, а таксама трэціх краін». Акрамя таго, падставай для выкліку стала нота МЗС Беларусі, уручаная прадстаўніку Польшчы ў Мінску 11 снежня.
«Падчас сустрэчы беларускаму дыпламату была ўручаная нота, у якой выказваецца рашучы пратэст супраць вышэйзгаданых дзеянняў, а таксама было паведамлена, што працяг падобнага роду правакацыі сустрэне сіметрычны адказ з польскага боку», — гаворыцца ў паведамленні.
Нагадаем, на мінулым тыдні па беларускім тэлебачанні быў паказаны фільм пра спробу вярбоўкі беларускага дыпламата польскімі спецслужбамі ў Кішынёве, якая нібыта мела месца ў Кішынёве. 11 снежня часовы павераны ў справах Польшчы ў Беларусі Кшыштаф Ажана быў выкліканы ў МЗС, дзе яму была ўручаная нота.
Раней удалося высветліць, што дыпламат, якога, паводле версіі беларускага боку, спрабавалі падкупіць польскія спецслужбы, можа з'яўляцца супрацоўнікам КДБ, якія працуюць пад прыкрыццём.
Жываглод прызнала рассылку праз чат-бот «Сумленных людзей» карыстальнікам у Беларусі: Але не ў працоўны час, пасля 18 гадзін14
Каментары