Блогер Яўген Мільто вырашыў пакаштаваць самую горшую шаурму ў Мінску (па водгуках на «Яндэкс Картах»). Насамрэч так нясмачна?
Відэа блогер выклаў на сваім ютуб-канале.
Першае месца, куды ён пайшоў, — «Эль Донэр». Рэйтынг — 1,9 зоркі. У каментарах скардзіліся на хамскае абслугоўванне і кашмарны смак.
Блогер узяў шаурму за 8 рублёў.
«Вельмі шмат капусты, мяса ледзьве бачнае пакуль, але не настолькі агідна, каб паставіць адзін бал», — каментуе ён. Соус пахваліў.
Агулам больш-менш, рашыў хлопец.
Наступны пункт — Doner House у гандлёвым цэнтры «Галерэя» з 2,2 зоркі. «Шкада тую карову, якая памерла дзеля гэтай шаурмы», — пісалі ў каментарах.
Там блогер узяў шаурму за 10,9 рубля. Праўда, з курыцай.
«Пры першым укусе было і мяса, і не так шмат капусты, як пра гэта пісалі. Вельмі многа было самога праснака. Соусу было шмат», — расказвае ён.
Але пазней капусты стала болей, а соусу недастаткова, шаурма аказалася сухая. Блогер паставіў бы ёй 3,5 бала.
Апошні прыпынак — кіёск «Шаурма Кава» ў пераходзе чыгуначнага вакзала. Рэйтынг 1,3 зоркі.
«Вам смачную?» — спыталі ў Яўгена, калі ён папрасіў шаурму. Ён узяў «смачную» — за 6 рублёў.
Ужо гатовую шаурму абсмажылі і аддалі хлопцу.
«Калі вы даўно не елі капусту, вам сапраўды сюды. Пакуль мяса няма», — каментуе блогер.
Яму не спадабалася, што было шмат слаёў лаваша без начынкі, а мяса знайшлося толькі ў сярэдзіне.
Капуста гарчыць, курыца перавараная, лаваш падобны да слоенага цеста, апісаў вакзальную шаурму хлопец.
«Я б не рэкамендаваў яе есці», — заключыў блогер і пацвердзіў, што шаурма апраўдвае свой жудасны рэйтынг.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
паўгадзіны ржача