Бондараву абурылі слова Раство і зоркі НАТА на навагодняй елцы ў Мінску
Даносчыца перакананая, што гэта праца шкоднікаў, якія працуюць за гранты.
Спачатку Таццяна Сідаровіч апублікавала ў сваім тэлеграм-канале «Белоруска «топит» поўны захаплення допіс пра цудоўны канцэрт, дзе «рускае падкрэслена», і ярка ўпрыгожаную елку.
Але высокія стандарты Вольгі Бондаравай, якая наведала елку па гэтай парадзе, дзейства задаволіць не змагло.
Яна не змагла прайсці міма вялікага надпісу над сцэнай «З Новым Годам і Раством Хрыстовым». Бондарава абурылася «пачварнай навамовай», а менавіта словам Раство. У сваім руска-беларускім слоўніку студэнтка філфака не змагла адшукаць такога перакладу, толькі пераклады «каляды», «коляды». «Гэта ж узгоднена з гарвыканкамам і мінкультам?»
Каляды — гэта назва народнага зімовага свята дахрысціянскага паходжання, якая пасля прыняцця хрысціянства была перанесена і на свята Божага Нараджэння. У свята шмат варыянтаў напісання, у тым ліку яго называюць і Раством.
Паводле слоўнікаў, да якіх чамусьці не мае доступу гродзенская даносчыца, у старабеларускай мове словы роство, розтво фіксуюцца яшчэ ў 1387 годзе.
Ва ўсходніх славян у XI—XII стст. свята мела назву рожьство, пазней — рожество. Слова ўтворана ад радзіць. У народнай мове яно зафіксавана ў розных формах раздво, ражаство, ражство, раждво і г.д. Але паколькі сёння яно ўспрымаецца многімі як русізм ад Рождество, то часта саступае больш выражана беларускаму варыянту — Нараджэнне Хрыстова.
Таксама Бондараву не задаволіла форма зорак на навагодняй елцы. У васьміканцовых зорках яна пабачыла зоркі варожага блока НАТА.
У якасці доказаў — кліп-арт з інтэрнэту, ніяк не звязаны з НАТА, і дэкаратыўная кампазіцыя перад штаб-кватэрай альянсу ў Бруселі. Але калі кліп-арт падобны да зорак на елцы, то і скульптурная кампазіцыя, і зорка на сцягу НАТА зусім іншая — чатырохканцовая ружа вятроў, без варыяцый.
А ў выглядзе васьміканцовай зоркі традыцыйна малююць Віфліемскую зорку, якая згодна з хрысціянскай традыцыяй прывяла трох мудрацоў пакланіцца народжанаму Хрысту.
Зрэшты, пра хрысціянства і традыцыйныя каштоўнасці Бондарава, відавочна, ведае толькі з камуністычных брашур, а таму не можа ведаць пра сімволіку васьміканцовай зоркі.
Вольга Бондарава пераканана на «99,999%», што ўсё гэта не вынік памылкі ці непісьменнасці чыноўнікаў, а праца шкоднікаў, якія вымушаны неяк адпрацоўваць замежныя гранты.
«Наша Нiва» — бастыён беларушчыны
ПАДТРЫМАЦЬБондарава патрабуе, каб прыпынкі ў транспарце аб'яўлялі яшчэ і на рускай мове. «Мінсктранс» адказаў, што гэта немагчыма
Прызналі «экстрэмісцкім» сайт Grodno.in, які раней змусіў прабачацца Бондараву
Дзермант заклікае расследаваць знешні фактар, які стаіць за дзейнасцю Бондаравай
Сілавікі не знайшлі абразы Вольгі Бондаравай у выказваннях блогера Vadimati
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары
https://nashaniva.com/ru/140870