49-гадовы акцёр быў стваральнікам інклюзіўнага Тым Тэатра ў Гомелі, але пасля рэпрэсій быў вымушаны з'ехаць у Варшаву.
Пра смерць беларускага акцёра Андрэя Бардухаева-Арла паведамілі ў сацсетках яго сябры.
«Доўгі час Андрэй і яго сям’я амаль нікому не распавядалі пра хваробу, спадзеючыся справіцца самастойна і калісьці падзяліцца радаснай навіной пра перамогу над цяжкім дыягназам. На жаль, цуд не адбыўся…», — напісаў купалавец Ігар Сігоў.
Андрэй Бардухаеў-Арол і яго жонка Алеся стварылі ўнікальны інклюзіўны Тым Тэатр у Гомелі, дзе рабілі спектаклі для слабавідушчых гледачоў.
За сваю актыўную грамадзянскую пазіцыю і ўдзел у пратэстах 2020 года Андрэй і Алеся сутыкнуліся з ціскам, у выніку чаго ім прыйшлося пакінуць Беларусь і пераехаць у Варшаву.
Яго апошняя роля была роля Пісьменніка ў спектаклі «Ордэн Белай Мышы» па творы Уладзіміра Арлова. Ён выходзіў на сцэну ўжо анкалагічна хворым, расказалі сябры акцёра.
Дапамагчы сям'і Бардухаева-Арла можна па наступных рэквізітах:
Нумар для пераводу (BLIK): +48796525441
Нумар рахунку: PL 83 1020 1042 0000 8002 0457 5355
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары